ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا ەلدى مەكەندەردى كەڭجولاقتى ينتەرنەتكە قولجەتىمدىلىكپەن قامتاماسىز ەتۋ ماسەلەسى قارالدى.
قازاقستاندا ينتەرنەتتى بەلسەندى پايدالانۋشىلار قاتارى ارتىپ كەلەدى. سوندىقتان «سيفرلىق قازاقستان» مەملەكەتتىك باعدارلاماسىن ىسكە اسىرۋ اياسىندا جەلىنى پايدالانۋشىلاردىڭ ۇلەسى 88%-عا دەيىن، ال سيفرلىق ساۋاتتىلىق دەڭگەيى 83%-عا جەتەدى.
بۇل مىندەتتەردى وسى جىلدىڭ سوڭىنا دەيىن جۇزەگە اسىرۋ 5163 اۋىلدىق ەلدى مەكەندى كەڭجولاقتى ينتەرنەتپەن قامتاماسىز ەتۋگە مۇمكىندىك بەرەدى.
ناتيجەسىندە اۋىلداردا 7،6 ملن استام ادام ونلاين ءبىلىم الۋعا، تەلەمەديسيناعا، مەملەكەتتىك قىزمەتتەرگە، ەلەكتروندىق ساۋداعا قول جەتكىزەدى.
اكىمدىكتەرگە انتەننالىق-ماچتالىق قۇرىلىستار سالۋعا جانە بايلانىس جەلىسىن تارتۋعا جەر ءبولۋ، ەلەكتر ەنەرگياسىمەن قامتاماسىز ەتۋ ماسەلەلەرىن جەدەل شەشۋ تاپسىرىلدى.
پىكىر قالدىرۋ