ق ر يندۋستريا جانە ينفراقۇرىلىمدىق دامۋ مينيسترلىگى 1 مامىردان باستاپ نۇر-سۇلتان جانە الماتى قالالارى اراسىندا ۇشۋدى قايتا باستاۋعا دايىن ەكەندىگىن مالىمدەدى. بۇل تۋرالى قازاقپارات حابارلايدى.

كۇنىنە 4 رەيستەن بولادى، ونىڭ ىشىندە 2 رەيستى - «ەير استانا»، 1 رەيستى - «Fly Arystan» جانە 1 رەيستى «SCAT» اۋە كومپانياسى ورىندايدى.

اۋە كومپانيالارى بيلەت باعاسىن رەيستەر توقتاعانعا دەيىنگى دەڭگەيدە ساقتاۋعا مىندەتتەمە الادى. ءارى قاراي جاعداي جاقسارىپ جاتسا، رەيستەر سانىن جانە اۋە كەمەلەرىنىڭ سىيىمدىلىعىن ارتتىرۋ ماسەلەسى قارالادى.

ق ر دەنساۋلىق ساقتاۋ مينيسترلىگى ساپارعا شىققاندا باس سانيتار دارىگەرى بەكىتكەن سانيتارلىق تالاپتاردى ساقتاۋ كەرەك.

• جولاۋشىلاردا COVID-19 تەستىنەن وتكەنى جانە ونىڭ ناتيجەسى تەرىس بولعانى تۋرالى انىقتاما بولۋى قاجەت (انىقتامانىڭ قولدانىلۋ مەرزىمى بەرىلگەن كۇننەن باستاپ 7 كۇن)؛
• جەكە قورعانىس قۇرالدارىن پايدالانۋ (بەتپەردە، قولعاپ)؛
• تەرمومەتريا، الەۋمەتتىك قاشىقتىق ساقتاۋ؛
• اۋەجايلار مەن اۋە كەمەلەرىن كۇشەيتىلگەن نەگىزدە زالالسىزداندىرۋ.

سانيتارلىق قاۋىپسىزدىك تالاپتارى بويىنشا اتالعان رەيستەردە بورتتا تاماق بەرىلمەيدى

اۋە بيلەتىن بۇگىننەن باستاپ مىنا مەكەنجايلاردا ساتىپ الۋعا بولادى:

اتالعان باعىتتارعا ۇشاتىن ازاماتتار كوروناۆيرۋس ينفەكسياسىنا تەستتى ءوز قاراجاتى ەسەبىنەن اقىلى نەگىزدە جاساتاتىنىن ايتا كەتۋ كەرەك.

تەست وتۋگە بولاتىن زەرتحانالاردىڭ مەكەنجايى مەن تەلەفونى:

• «ۇلتتىق ساراپتاما ورتالىعى» شجق رمك نۇر-سۇلتان قالاسىنداعى فيليالى: جەلتوقسان كوشەسى 46، تەل. 8 (7172) 31-54-09، 8 (7172) 59-00-77.
• «ۇلتتىق ساراپتاما ورتالىعى» شجق رمك الماتى قالاسى بويىنشا فيليالى: جىبەك جولى كوشەسى 3، تەل. 8 (7273) 82-35-65، 8 (727) 259-00-77.
• «وليمپ» كدز نۇر-سۇلتان قالاسىندا: رەسپۋبليكا داڭعىلى 2/1، گوتە كوشەسى 3، ب. مومىش ۇلى داڭعىلى 16، ابىلاي-حان داڭعىلى 12/1، ە-10 كوشەسى 2 ءۇي، مانكەنت 2 كوشەسى (ءموبيلدى پۋنكت). تەستىلەۋ 8701 961 7008 تەلەفونىمەن الدىن الا جازىلۋ ارقىلى عانا جاسالادى (سمس ءماتىن WhatsApp)
• «وليمپ» كدز الماتى قالاسىندا: مەدەۋ اۋدانى – حاليۋللين ك-سى 32، سەيفۋللين ك-سى 549، جاندوسوۆ ك-سى 1ۆ؛ المالى اۋدانى – بايزاقوۆ ك-سى 221/155، گاگارين ك-سى 236ب. تەستىلەۋ 8701 961 7307 تەلەفونىمەن الدىن الا جازىلۋ ارقىلى عانا جاسالادى (سمس ءماتىن WhatsApp)
• «INVIVO» زەرتحاناسى الماتى ق-سى: قاراساي باتىر ك-سى 123، Call-center: 8 727 258 83 83، 8 778 769 38 81

ەستەرىڭىزگە سالا كەتەيىك، نۇر-سۇلتان جانە الماتى قالالارى اراسىندا رەيستەر توقتاتىلعانعا دەيىن كۇنىنە 17 رەيس («ەير استانا» - 9 رەيس، «SCAT» - 3 رەيس، «Qazaq Air» - 2 رەيس، «Fly Arystan» - 3 رەيس) ورىندالاتىن.