الماتىدا 6 پاسيەنت ءقاۋىپتى ىندەتتەن ەمدەلىپ شىقتى

/image/2020/04/30/crop-121_10_599x799_200211101914-07-coronavirus-0210-wuhan-restricted-super-tease.jpg

الماتىدا كوروناۆيرۋس ينفەكسياسى بويىنشا 919-شى جاعداي تىركەلدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

كەشە 43 جاڭا جاعداي انىقتالعان. ولاردىڭ بارلىعى ۆيرۋس جۇقتىرعان ناۋقاسپەن بايلانىستا بولعاندار. بايلانىسقانداردىڭ ىشىنەن ەڭ ۇلكەنى – 1944 جىلعى زەينەتكەر، ەڭ جاسى كىشىسى – 2 جاستاعى پاسيەنت.

الماتىدا كوروناۆيرۋستىق ينفەكسيادان تاعى 6 پاسيەنت ساۋىعىپ ەمدەۋدەن شىعارىلدى. قازىرگى ۋاقىتتا مەگاپوليستە جازىلىپ، ەمدەۋدەن شىعارىلعاندار سانى – 102 ادام.

ءبىرىنشىسى، 30 ناۋرىزدا ىستامبۇل – كۋالا-لۋمپۋر – الماتى رەيسىمەن ۇشىپ كەلگەن 24 جاسار قىز. ۇشىپ كەلگەن سوڭ ستاسيونارعا كارانتينگە ورنالاستىرىلدى، ءبىرىنشى تەستى تەرىس ناتيجە كورسەتكەن، 10 ساۋىردەگىسى وڭ ناتيجە كورسەتكەن. ەمدەۋ 18 كۇن ىشىندە جەڭىل تۇردە ءوتتى.

ەكىنشىسى، 16 ناۋرىزدا كرۋيز لاينەرىمەن كەلگەن 1953 جىلى تۋعان ايەل. كەلگەن سوڭ كارانتيندە بولدى، ءبىرىنشى تەستى تەرىس ناتيجە كورسەتتى، كەزەكتى تەستى 28 ناۋرىز كۇنى وڭ ناتيجە كورسەتكەن.

پاسيەنتتىڭ سىرقاتى اۋىر تۇردە ءوتتى. دياگنوزى: ەكى جاقتى پوليسەگمەنتارلى پنيەۆمونيامەن Covid-19 ۆيرۋسى. بۇگىنگى كۇنى پاسيەنت ءوزىن جاقسى سەزىنەدى. سوڭعى رەت جاسالعان رەنتگەنىندە پنيەۆمونيا تابىلماعان. ەمدەۋ 31 كۇنگە سوزىلدى.

ءۇشىنشىسى، اۋرۋدىڭ جەڭىل جۇرۋىمەن №11 قالالىق ەمحانانىڭ 38 جاستاعى مەديسينا قىزمەتكەرى. ەمدەۋدە 17 كۇن بولعان.

ءتورتىنشىسى، بۇل 26 ناۋرىزدا ماسكەۋدەن ۇشىپ كەلگەن 1963 جىلى تۋعان ايەل. كەلگەن سوڭ ستاسيونارعا كارانتينگە ورنالاستىرىلدى.

27 ناۋرىزداعى تەستى وڭ ناتيجە كورسەتتى. ەمدەلۋدە 32 كۇن بولدى، جاي-كۇيى ورتاشا اۋىرلىق دارەجەسى رەتىندە باعالاندى، سول جاقتى تومەنگى ۇلەستىك برونح پنيەۆمونياسى بولعان.

بەسىنشىسى، 1984 جىلى تۋىلعان، الماتى كوپبەيىندىك كلينيكالىق اۋرۋحاناسىنان اۋىستىرىلعان ايەل. الماتى وبلىسىنىڭ تۇرعىنى. سىرقاتى اۋىر تۇردە ءوتتى. ەكى جاقتى پوليسەگمەنتارلى پنيەۆمونياسى بولعان. ەمى 32 كۇنگە سوزىلدى.

التىنشىسى، بۇل 11 ساۋىردە ەمدەۋگە كەلىپ تۇسكەن، جۇكتىلىكتىڭ 6 اپتاسىنداعى 33 جاسار ايەل.

​ينكۋباسيالىق كەزەڭ 1-دەن 14 كۇنگە دەيىن اۋىتقيتىندىعىن ەستەرىڭىزگە سالامىز. سوندىقتان، وسى ۋاقىت ىشىندە Covid-19 ۆيرۋسى انىقتالۋى مۇمكىن.

بارلىق ەمدەۋدەن جازىلىپ شىعارىلعان پاسيەنتتەر 14 كۇندىك ءۇي كارانتينىندە بولادى.

قازىرگى ۋاقىتتا ينفەكسيالىق ستاسيونارلاردا كوروناۆيرۋستىق ينفەكسيادان 809 پاسيەنت ەمدەلۋدە.

ولاردىڭ ۇشەۋىنىڭ جاي-كۇيى – اسا اۋىر، 26 ادامدا – اۋىر، 228 ادامدا – اۋىرلىقتىڭ ورتاشا دارەجەسىندە جانە قالعاندارى قاناعاتتانارلىق دەپ باعالانۋدا.

ءۇش پاسيەنت تىنىس الۋ جەتىسپەۋشىلىگىنە بايلانىستى ءوجج اپپاراتىندا، ولاردىڭ ەكەۋى اسا اۋىر جانە بىرەۋى اۋىر حالدە.

پروۆيزورلىق گوسپيتالداردا 426 ادام جاتىر، ونىڭ ىشىندە15ء-ى بالا، كارانتيندىك وقشاۋلاۋدا 304 ادام، ءۇي كارانتينىندە 11 694 ازامات بار.

قاتىستى تەگتەر :

پىكىر قالدىرۋ

قاتىستى ماقالالار