الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسى بويىنشا كارانتين جاعدايىنداعى قاۋىپتەردى ازايتۋ ماقساتىندا كارانتين كەزەڭىندە بالالار الاڭدارىنا، باۋ-باقشالارعا بارۋ شارتتارى رەگلامەنتتەلدى. بۇل تۋرالى اكىمدىكتىڭ باسپا ءسوز قىزمەتى حابارلادى. 

قۇجاتقا سايكەس، حالىقتىڭ بالالار الاڭدارى مەن اۋلالارعا قولجەتىمدىلىگى ساعات 5:00-دەن 21:00-گە دەيىن رۇقسات ەتىلگەن. بالالار الاڭدارى مەن اۋلالار اۋماعىنا زالالسىزداندىرۋ جۇمىستارى جۇرگىزىلەتىن بولادى. بارلىق قولجەتىمدى جەرلەردە، ەڭ الدىمەن حابارلاندىرۋ تاقتالارىندا كارانتيندىك ءتارتىپتى ساقتاۋ شەڭبەرىندە تالاپ ەتىلەتىن جەكە جانە زاڭدى تۇلعالار ءۇشىن شەكتەۋلەردىڭ بارلىق تۇرلەرى تۋرالى ەسكەرتپەلەر ورنالاستىرىلادى.

الماتى قالاسىنىڭ تۇرعىندارى بالالار الاڭدارى مەن اۋلالارعا، باۋ-باقشا، ساياجايلارعا بارعان كەزدە 2 مەتردەن كەم ەمەس ارالىقتا الەۋمەتتىك قاشىقتىقتى ساقتاۋى قاجەت. وتباسى مۇشەلەرىن قوسپاعاندا، ءۇش ادامنان استام ادامنىڭ جينالۋىنا تىيىم سالىنىپ، باسقا تۇرعىندارمەن دەنە بايلانىسىن بارىنشا بولدىرماۋعا، وزىمەن بىرگە جەكە قورعانۋ قۇرالدارىن الىپ جۇرۋگە جانە كيۋ ەرەجەلەرىن ساقتاۋ تالاپ ەتىلەدى.

ءوز كەزەگىندە، قۇقىق قورعاۋ ورگاندارىنىڭ قىزمەتكەرلەرى ەنگىزىلگەن شارالاردى ورىنداۋ بويىنشا كوشەلەردى، اۋلا الاڭدارى مەن جالپى پايدالانۋ ورىندارىن تاۋلىك بويى پاترۋلدەۋدى قامتاماسىز ەتەدى.