«ءبىرىڭعاي جيناقتاۋشى زەينەتاقى قورى» اق-نىڭ باسقارما ءتوراعاسى جانات قۇرمانوۆ كىمدىكتىڭ باسپا ءسوز ورتالىعىندا وتكەن ونلاين بريفينگتە زەينەتاقى قورىنداعى جيناقتار تۇراقتى ءارى ول وڭ ينۆەستيسيالىق تابىستىلىققا يە ەكەندىگىن ايتتى. بۇل تۋرالى الماتى قالاسى اكىمدىگىنىڭ باسپا ءسوز قىزمەتى حابارلادى. 

بريفينگ بارىسىندا جانات قۇرمانوۆ زەينەتاقى اكتيۆتەرىنىڭ ينۆەستيسيالىق كىرىسىنە بايلانىستى وتكەن جيىندا سپيكەر تۇرعىندار تاراپىنان ءجيى قويىلاتىن سۇراقتارعا جاۋاپ بەردى.

– سوڭعى ۋاقىتتا الەمدىك قارجى نارىعىندا الەمدى جايلاعان ءقاۋىپتى ىندەت پەن مۇناي باعاسىنىڭ وزگەرۋىنە بايلانىستى ءبىرقاتار جاعىمسىز وقيعالار ورىن الدى. بۇل رەتتە تۇرعىندار "زەينەتاقى قورىنداعى جيناقتارىمىز ازايىپ كەتە مە؟" دەگەن سۇراقتاردى ءجيى قويادى. ءبىزدىڭ ايتپاعىمىز، الاڭداۋعا ەش نەگىز جوق. زەينەتاقى قورىنداعى جيناقتار تۇراقتى ءارى ول وڭ ينۆەستيسيالىق تابىستىلىققا يە، – دەپ اتاپ ءوتتى ج.قۇرمانوۆ.

سپيكەردىڭ ايتۋىنشا، زەينەتاقى جيناقتارىنا ەسەپتەلەتىن تازا ينۆەستيسيالىق تابىس تۇراقتى تۇردە ءوسىپ كەلەدى. وسىلايشا 2020 جىلدىڭ ءبىرىنشى توقسانىندا ينۆەستيسيالىق تابىس 661،7 ملرد تگ بولدى. 2020 جىلدىڭ 1 ساۋىرىنە زەينەتاقى اكتيۆتەرى 11،7 ترلن تگ قۇراپ، 8%-عا ءوستى.

جالپى 2019 جىلدىڭ ساۋىرىنەن 2020 جىلدىڭ ناۋرىزىنا دەيىنگى سوڭعى 12 ايداعى زەينەتاقى اكتيۆتەرىنىڭ تابىسى 11،87%-دى قۇرادى. ال ينفلياسيا 6،4% بولدى. وسىلايشا تابىستىلىق ينفلياسيادان 5،5%-عا اسىپ ءتۇستى.

– الاڭداۋعا ەش نەگىز جوق. ويتكەنى "ق ر زەينەتاقىمەن قامسىزداندىرۋ تۋرالى" زاڭعا سايكەس مەملەكەت ازاماتتارعا ولاردىڭ زەينەتاقى جيناقتارىنىڭ ينفلياسيادان قورعالۋىنا كەپىلدىك بەرەدى. ءبىر سوزبەن ايتقاندا، مەملەكەت سالىمشى زەينەتكە شىققان كەزدە زەينەتاقى جيناقتارى ازايىپ قالسا ونى وتەپ بەرەدى. ءبىراق بۇل شارا جيناقتالعان ينفلياسيا دەڭگەيى، ينۆەستيسيالاۋدىڭ بارلىق جىلدارىندا الىنعان تابىستان اسىپ كەتكەن جاعدايدا عانا جۇزەگە اسىرىلادى، – دەپ قورىتىندىلادى ءسوزىن ج. قۇرمانوۆ.