الماتى قالاسىنىڭ اكىمى باقىتجان ساعىنتايەۆ اتا-انالاردىڭ بالالارعا قولداۋ كورسەتىپ، مۇعالىمدەردىڭ ونلاين ساباعىن وتكىزۋىنە كومەك كورسەتۋگە شاقىردى. بۇل تۋرالى instagram پاراقشاسىندا جاريالادى.
– بۇل كارانتين كۇندەلىكتى ومىرىمىزدەگى بارلىق سالاعا، سونىڭ ىشىندە ءبىلىم بەرۋ پروسەسىنە دە وزگەرىستەر ەنگىزدى. توتەنشە جاعداي رەجيمىنىڭ ءبىرىنشى كۇنىنەن-اق مەكتەپتەردى قاشىقتان وقىتۋعا كوشىرۋگە دايارلاي باستادىق. ەڭ الدىمەن مۇعالىمدەرگە ارنالعان ترەنينگتەر ءوتىپ، 99% نەمەسە 273 مىڭ وقۋشىنى قامتىعان سىناق ساباقتارى ۇيىمداستىرىلدى، – دەپ جازدى ساعىنتايەۆ.
«الماتى» تەلەارناسىنان كورسەتۋگە بولاتىن 100-دەن اسا بەينەساباق ازىرلەندى.
سونىمەن قاتار، "تەحنيكالىق جابدىققا كەلەر بولساق، كارانتين كەزىندە مەكتەپتەردەگى 10 مىڭنان استام كومپيۋتەر مۇعالىمدەر مەن وقۋشىلارعا بەرىلدى.
– قوسىمشا ءۇش مىڭ نوۋتبۋكتى ساتىپ الۋ ماسەلەسى شەشىلۋدە. ۇيىندە ءتورت جانە ودان دا كوپ وقۋشى بالاسى بار جانە بارلىعىنىڭ ءبىر كومپيۋتەردەن ءبىلىم الۋعا شاماسى جەتەتىن وتباسىلار بار. ولاردى قوسىمشا تەحنيكامەن قامتاماسىز ەتەتىن بولامىز. بايلانىس وپەراتورلارىمەن بىرلەسىپ، ءتورت مىڭ وقۋشى مەن 700 مۇعالىمگە عالامتور جەلىسىنىڭ قولجەتىمدى بولۋىن قاراستىرۋدامىز. اتا-انالاردىڭ بالالارعا قولداۋ كورسەتىپ، مۇعالىمدەردىڭ ونلاين ساباعىن وتكىزۋىنە كومەك كورسەتۋلەرىڭىزدى سۇرايمىن. ۇيدە وتىرساق تا، ءوزىمىزدى جان-جاقتى دامىتىپ، ءارى كوروناۆيرۋستىڭ بەلەڭ الماۋىنا ۇلەس قوسىپ جاتىرمىز، – دەپ تولىقتىردى قالا اكىمى.
پىكىر قالدىرۋ