قالا اكىمدىگىنىڭ باسپا ءسوز ورتالىعىندا الماتى قالالىق تجد باسشىسىنىڭ ورىنباسارى ارمان بايگەلوۆ بۇقارالىق اقپارات وكىلدەرىنە ارناپ ونلاين باسپا ءسوز بريفينگىن وتكىزدى.
بريفينگ بارىسىندا ءدال قازىرگى توتەنشە جاعداي كەزەڭىندە وقىس وقيعالاردى بولدىرماۋدىڭ الدىن الۋدى باسا ايتىپ، اقاۋى بار ەلەكتر جەلىلەرىنە كۇش تۇسىرەتىن قوسىمشا توق كوزدەرىن قوسۋ، ءورتتىڭ شىعۋىنا تىكەلەي سەبەپشى ەكەنىن جەتكىزدى.
– سونداي-اق ەلەكتر جانە گاز قۇرالدارىن قاراۋسىز قالدىرماۋلارىڭىز قاجەتت. ءۇي جاعدايىندا قولدان جاسالعان ەلەكتر قۇرالدارىن پايدالانۋ دا وتە ءقاۋىپتى، – دەدى سپيكەر.
شىن مانىندە «ءورتتىڭ ءتىلسىز جاۋ» ەكەنىن ءاربىر تۇرعىن جەتە تۇسىنگەنى دۇرىس. سونداي-اق، ارمان بايگەلوۆ بالكونعا دا باسا نازار اۋدارۋ قاجەت ەكەندىگىنە توقتالدى.
– قازىرگى كۇندە كوپقاباتتى ۇيلەردىڭ بالكوندارى تەز جاناتىن ماتەريالدارمەن قاپتالعان جانە وندا اعاش سورەلەر بار. مۇنىڭ ءوزى وقىس جاعداي ورىن العان كەزدە ءورتتى اۋىزدىقتاۋعا قيىندىق تۋعىزاتىنى بەلگىلى. ەڭ باستىسى، بالالارعا بارىنشا ساق بولىپ، ولاردى ەش قاراۋسىز قالدىرمايىق!، – دەپ قورىتىندىلادى ءسوزىن تجد باسشىسىنىڭ ورىنباسارى.
پىكىر قالدىرۋ