مەملەكەت باسشىسى قاسىم-جومارت توقايەۆتىڭ جارلىعىمەن ءبىرقاتار اسكەري جانە قۇقىق قورعاۋ سالاسىنىڭ قىزمەتكەرلەرى مەملەكەتتىك ناگرادالارمەن ماراپاتتالدى. بۇل تۋرالى اقوردا حابارلادى.

وتان قورعاۋشىلار كۇنى قارساڭىندا قازاقستان پرەزيدەنتى قاسىم-جومارت توقايەۆتىڭ جارلىعىمەن اسكەري جانە قىزمەتتىك بورىشىن اتقارۋ كەزىندە، ادام ءومiرiن ساقتاپ قالۋ ءۇشىن باتىلدىق پەن جانقيارلىق كورسەتكەن،  سونداي-اق، ەلدىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋگە، زاڭدىلىقتى جانە قوعامدىق ءتارتىپتى ساقتاۋعا ەلەۋلى ۇلەس قوسقان اسكەري قىزمەتشىلەر مەن قۇقىق قورعاۋ جانە ارنايى مەملەكەتتىك ورگانداردىڭ قىزمەتكەرلەرى قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالدى.

ولاردىڭ ىشىندە:

ءى دارەجەلى «داڭق» وردەنىمەن – ق ر باس پروكۋرورىنىڭ ورىنباسارى مارات احمەتجانوۆ؛

ءىى دارەجەلى «داڭق» وردەنىمەن – ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ؛

ءىى دارەجەلى «ايبىن» وردەنىمەن – ق ر ىشكى ىستەر مينيسترلىگىنىڭ دەپارتامەنت باستىعى سانجار ءادىلوۆ، ق ر مەملەكەتتىك كۇزەت قىزمەتىنىڭ پرەزيدەنت كۇزەت قىزمەتى باستىعىنىڭ ورىنباسارى ساكەن يسابەكوۆ، ق ر قورعانىس مينيسترلىگى ءبولىم كومانديرىنىڭ ورىنباسارى – 14776 اسكەري ءبولىمى ورتالىعىنىڭ باستىعى راحات قارسەمبايەۆ، ق ر قورعانىس مينيسترلىگى باس ينسپەكسياسى اسكەرلەردىڭ جاۋىنگەرلىك جانە جۇمىلدىرۋ ازىرلىگى مەن دايارلىعى ينسپەكسيالىق باسقارماسىنىڭ باستىعى – باس ينسپەكسيا باستىعىنىڭ ورىنباسارى تولەۋقان نۇرقانوۆ، ق ر ۇلتتىق قاۋىپسىزدىك كوميتەتىنىڭ باسقارما باستىعى الەكساندر پەنكوۆ؛

ءىىى دارەجەلى «ايبىن» وردەنىمەن – مەملەكەتتىك كۇزەت قىزمەتى ايرىقشا ماقساتتاعى كۇشتەرىنىڭ «ايبىن» پرەزيدەنتتىك پولكىنىڭ 1-ساناتتى مامانى عالىمجان الييەۆ؛

«قۇرمەت» وردەنىمەن – ق ر ۇلتتىق قاۋىپسىزدىك كوميتەتى ۇكىمەتتىك بايلانىس قىزمەتىنىڭ ديرەكتورى تامەرلان جۇماعالييەۆ؛

«ەرلىگى ءۇشىن» مەدالىمەن – ق ر سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) اسا ماڭىزدى ىستەر جونىندەگى وفيسەرى ايدوس بەسجانوۆ، ىشكى ىستەر مينيسترلىگى نۇر-سۇلتان قالاسى پوليسيا دەپارتامەنتىنىڭ سارىارقا اۋداندىق پوليسيا باسقارماسىنىڭ ۋچاسكەلىك ينسپەكتورى ەرلان جاڭابايەۆ، ق ر قارجى مينيسترلىگى قارجى مونيتورينگى كوميتەتى جەدەل دەپارتامەنتىنىڭ اعا جەدەل ۋاكىلى ميراس قۇربانوۆ، ق ر ىشكى ىستەر مينيسترلىگى نۇر-سۇلتان قالاسىنىڭ توتەنشە جاعدايلار دەپارتامەنتىنىڭ ءورت ءسوندىرۋ جانە اپاتتىق-قۇتقارۋ جۇمىستارى قىزمەتى №17 ءورت ءسوندىرۋ ءبولىمىنىڭ بولىمشە كومانديرى سەرگەي مازۋر؛

«جاۋىنگەرلىك ەرلىگى ءۇشىن» مەدالىمەن  – ق ر قورعانىس مينيسترلىگى كادرلار دەپارتامەنتىنىڭ وفيسەرى شولپان تاۋىشوۆا، ق ر قورعانىس مينيسترلىگى 44813 اسكەري ءبولىمى س-300 زەنيتتىك زىمىران ديۆيزيونىنىڭ كومانديرى الەكساندر توميلين ماراپاتتالدى.

بارلىعى 45 ادام وردەندەرمەن، 53 ادام مەدالدارمەن جانە 3 ادام قازاقستان رەسپۋبليكاسىنىڭ قۇرمەت گراموتالارىمەن ماراپاتتالدى.