شەتەل باسىلىمدارى "1 مامىردا تىڭايتقىش شىعاراتىن زاۋىتتىڭ اشىلۋ سالتاناتى كەزىندە كوپشىلىك الدىنا شىققان ادام كيم چەن ىن ەمەس بولۋى مۇمكىن" دەگەن بولجام ايتۋدا. بۇل تۋرالى قامشى ءتىلشىسى بريتانيالىق The Sun گازەتىنە سىلتەمە جاساپ حابارلايدى.
سەنبىدە سولتۇستىككورەيالىق ب ا ق كيم چەن ىننىڭ سۋرەتتەرى مەن بەينەلەرىن جاريالادى. ول كەزدە "كيم چەن ىن ءولدى نەمەسە اۋىر حالدە جاتىر" دەگەن قاۋەسەت تاراعان.
"سەنبىدە جاريالانعان فوتوسۋرەتتەر كيم چەن ىننىڭ ورنىندا باسقا بىرەۋ بولۋى مۇمكىن دەگەن كۇدىكتى تۋدىردى" دەپ جازادى The Sun. باسىلىمىنىڭ اقپاراتىنشا، بۇرىنعى سۋرەتتەرمەن سالىستىرعاندا سولتۇستىك كورەيا باسشىسىنىڭ سەنبىدە جاريالانعان سۋرەتتەرىندەگى بەت-الپەت، شاش سىزىعى مەن تىستەرىنىڭ ەرەكشەلىكتەرىندە سايكەسسىزدىك بار.
ال، International Business Times (IBT) "كيمنىڭ وزىنە ۇقسايتىن ادامداردى قولداناتىنى بەلگىلى». 2017 جىلى سولتۇستىك كورەيا باسشىسى وزىنە وتە ۇقسايتىن اداممەن سويلەسىپ تۇرعانىن كورسەتكەن سۋرەتتەر جاريالانعان" دەپ جازدى.
پىكىر قالدىرۋ