تاريحشى، شەجىرەشى، سوعىس ارداگەرى ءومىرقۇل قۇلشىقوۆتىڭ ۇلى داۋلەتكەلدى ءومىرقۇل ۇلى قازاقستاندىقتاردى جەڭىستىڭ 75 جىلدىعىمەن قۇتتىقتادى. 

ءومىرقۇل قۇلشىقوۆ (1907-1989) اعا لەيتەنانت، شەجىرەشى، تاريحشى بولعان. ول 1907 جىلى الماتى وبلىسىندا تۋعان. 1917 جىلى اكەسى مەن اناسى دۇنيەدەن وتەدى. كەيىن سول جىلى الماتى وبلىسى كوستەنسك اۋدانىندا ەڭبەك جولىن باستايدى. 1920-1927 جىلدار ارالىعىندا كوستەنسك اۋدانىنىڭ كۇزەت جانە ەڭبەك بولىمىندە جۇمىس ىستەيدى. 1941-1942 جىلدار ارالىعىندا اندجينا قالاسىنداعى كىشى لەيتەنانت كۋرسىندا وقيدى. وقۋدى اياقتاعان سوڭ سوعىسقا اتتانادى. 1942 جىلى باسىنان جاراقات الىپ، قىزىل جۇلدىز وردەنىمەن ماراپاتتالادى. 

2019 جىلى قۇلشىقوۆ ءومىرقۇلدىڭ قۇرمەتىنە ارنالعان «ءمۇيىزدى وتەگەننىڭ – ءمۇيىزدى ۇرپاعى» دەپ اتالعان كىتاپ جارىققا شىقتى.

– اكەم اكە-شەشەسىنەن ەرتە ايىرىلعان. كەيىن سوۆەتتىك بيلىك ونى ءوز قامقورلىعىنا الادى. ول توتە جازۋ، لاتىن مەن ورىس ءتىلىن جەتىك مەڭگەرىپ شىعادى. ءوزىنىڭ زەرەكتىگىنىڭ ارقاسىندا ەرتە جاسىنان جۇمىسقا ارالاسادى. ءومىرقۇل اكەمنىڭ جوعىرى ءبىلىمى بولعاننان كەيىن وزبەكستانداعى لەيتەنانتتار اسكەري مەكتەبىن كىشى لەيتەنانت دارەجەسىمەن اياقتايدى. كەيىن سوعىسقا اتتانادى. سوعىستا نەبىر قيىندىقتار بولعانىن تاريح بەتتەرىنەن وقۋعا بولادى. سوعىستان كەيىن اكەم قالعان ءومىرىن قازاقستان تاريحىن زەرتتەپ، حالقىنىڭ گۇلدەنۋىنە ارنادى. جەڭىس وڭاي كەلمەدى. بارشا قازاقستاندىقتاردى جەڭىس كۇنىمەن قۇتتىقتايمىن. الداعى كۇنى الەمدە سوعىس بولماسىن دەپ تىلەيمىن، – دەيدى داۋلەتكەلدى ءومىرقۇل ۇلى.