مايدان قاتىسۋشىلارى مەن تىل ەڭبەككەرلەرىنىڭ مەرەكەلىك بەينەسيۋجەتتەرى الەۋمەتتىك جەلىلەرگە ورنالاستىرىلعان.

ۇلى وتان سوعىسىنىڭ قاھارماندارى وتانداستارىن جەڭىس كۇنىمەن قۇتتىقتاپ، سوعىستا قازا تاپقان باتىر باۋىرلارىن دا ەسكە الىپ، بارشا قازاقستاندىققا زور دەنساۋلىق، بەيبىت كۇندەر تىلەپ، ەلىمىزدىڭ ودان ءارى وركەندەي بەرۋىنە ءىلتيپاتتارىن ءبىلدىردى.

15-تەن استام ارداگەر قۇتتىقتاۋ ءسوز سويلەدى. ولاردىڭ قاتارىندا:

- وڭتۇستىك-باتىس مايدانىنداعى ۇرىس قيمىلدارىنا، ستالينگراد شايقاسىنا، كۋرسك دوعاسىنداعى شايقاسقا، دنەپردى باسىپ وتۋگە، ۋكراينانى، پولشانى، چەحوسلوۆاكيانى، پراگانى ازات ەتۋگە، بەرلين شابۋىلىنا قاتىسقان، قارۋلى كۇشتەر ساپىندا 43 جىل قىزمەت ەتكەن، 5 وردەن جانە 35 مەدالمەن، سونىڭ ىشىندە پولشانىڭ، چەحوسلوۆاكيانىڭ، رۋمىنيانىڭ، ۋكراينانىڭ، مونعوليانىڭ مەملەكەتتىك ناگرادالارىمەن ماراپاتتالعان – لەونيد گيرش؛

- 47ء-شى اتقىشتار پولكىنىڭ، 15ء-شى اتقىشتار ديەۆيزياسىنىڭ قۇرامىندا سوعىسقان، اتقىشتار ۆزۆودىنىڭ كومانديرى، ءىى دارەجەلى "وتان سوعىسى" وردەنىمەن، "بەلورۋسسيانى ازات ەتكەنى ءۇشىن"، "گەرمانيانى جەڭگەنى ءۇشىن"، "جاۋىنگەرلىك ەڭبەگى ءۇشىن" مەدالدارىمەن ماراپاتتالعان – بيسەت ماجاعۇلوۆ؛

- ۆولحوۆ مايدانىندا ءۇش جىل بويى مەرگەن بولعان، I جانە II دارەجەلى "وتان سوعىسى"، "قىزىل جۇلدىز" وردەندەرىنىڭ، "جاۋىنگەرلىك ەڭبەگى ءۇشىن" مەدالىنىڭ يەگەرى – سيراج ىسماعۇلوۆ؛

- قيىر شىعىس مايدانىندا سوعىسقان، ءىى دارەجەلى "وتان سوعىسى" وردەنىمەن، "ەرلىگى ءۇشىن" مەدالىمەن ماراپاتتالعان – تاشاۋحان الىمبەكوۆ؛

- ستالينگراد شايقاسىنا قاتىسۋشى، "وتان سوعىسى" جانە "قىزىل جۇلدىز" وردەندەرىنىڭ، گەرمانيانى جەڭگەنى ءۇشىن، سونداي-اق "مارشال گ. جۋكوۆ" مەدالىنىڭ يەگەرى – ۆاسيليي زينچەنكو؛

- 3ء-شى ۋكراين مايدانىندا قىزمەت ەتكەن، 40-شى گۆارديالىق ديۆيزيانىڭ اسكەري-دالالىق حيرۋرگى، "وتان سوعىسى"، "قۇرمەت" وردەندەرىمەن، مەرەيتويلىق مەدالدارمەن ماراپاتتالعان – سوفا يزمايلوۆا؛

- 2ء-شى بەلورۋسس مايدانىندا سوعىسقان، "وتان سوعىسى" وردەنىمەن، "ەرلىگى ءۇشىن" مەدالىمەن ماراپاتتالعان – قوڭىر مەڭدىقارايەۆ؛

- پولشا مەن فينليانديانى ازات ەتۋگە قاتىسقان، 1ء-شى ۋكراين مايدانىندا سوعىسقان، مايدانداعى اسكەري جورىعىن 1945 جىلى بەرليندە اياقتاعان – ستەپان پوپىكين؛

- 277ء-شى اتقىشتار ديۆيزياسىنىڭ 852ء-شى پولكىندە قىزمەت ەتكەن، قىتايدىڭ قيىر شىعىس مايدانىندا، مانچجۋريادا سوعىسقان، "مارشال گ. ك. جۋكوۆ"، "جاپونيانى جەڭگەنى ءۇشىن" مەدالدارىن يەلەنگەن – فەدور سابايەۆ؛

- قيىر شىعىستاعى جاپوندىقتارعا قارسى شايقاسقا قاتىسقان الەكساندر پولكين بار.

ەستەرىڭىزگە سالا كەتەيىك، مەملەكەت باسشىسىنىڭ تاپسىرماسىنا سايكەس، اعىمداعى جىلى ۇلى جەڭىستىڭ 75 جىلدىعى قۇرمەتىنە، الماتى قالاسىنىڭ اكىمى باقىتجان ساعىنتايەۆتىڭ قولداۋىمەن 18 296 ادام 1،3 ملرد تگ كولەمىندە بىررەتتىك تولەم الدى. سونىڭ ىشىندە 202 ۇوس-نىڭ قاتىسۋشىسى مەن مۇگەدەكتەرى 1 ملن تگ الدى.