بيولوگيا جانە بيوتەحنولوگيا عىلىمي-زەرتتەۋ ينستيتۋتى تۇيە ىندەتىنە سىناق وتكىزىپ، وعان قارسى ۆاكسينا شىعارۋعا كىرىستى، دەپ حابارلايدى ق ر اشم باسپا ءسوز قىزمەتى.
بۇعان دەيىن «ۆەتەرينارلىق مەديسينانىڭ ۇلتتىق انىقتامالىق ورتالىعى» رمك زەرتحانالىق زەرتتەۋلەرىنىڭ ناتيجەلەرى بويىنشا بەينەۋ، تاجەن جانە سىڭعىرلاۋ اۋىلدىق وكرۋگتەرىندە تۇيە ىندەتىنە بايلانىستى كارانتين ەنگىزىلگەن.
«تۇيەلەر اراسىندا ىندەت جوق، الايدا جانۋارلار وقشاۋلانىپ، اكىمدىكتەردىڭ ۆەتەريناريا بولىمدەرى مەن ق ر اشم ۆەتەرينارلىق باقىلاۋ جانە قاداعالاۋ كوميتەتى اۋماقتىق ينسپەكسياسىنىڭ ءجىتى باقىلاۋىنا الىندى.
ىندەت انىقتالعان ورىنداردا «رەسپۋبليكالىق ەپيزووتياعا قارسى وترياد» رمك ماڭعىستاۋ فيليالىنىڭ ماماندارى دەزينفەكسيا جۇمىستارىن جۇرگىزۋدە.
سونداي-اق، وتاندىق بيولوگيا جانە بيوتەحنولوگيا ماسەلەلەرى جونىندەگى عىلىمي-زەرتتەۋ ينستيتۋتى سىناقتار وتكىزىپ، تۇيە جۇقپاسىنا قارسى ۆاكسينانى ىسكە قوستى. زاڭناماعا سايكەس ونى تىركەۋدى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى جۇزەگە اسىرادى» دەلىنگەن مينيسترلىك تاراتقان اقپاراتتىق حابارلامادا.
پىكىر قالدىرۋ