تۇرعىن ءۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) «نۇرلى جەر» باعدارلاماسىنىڭ جاڭا باعىتىن ازىرلەۋدى باستاپ كەتتى، دەپ حابارلايدى بانكتىڭ باسپا ءسوز قىزمەتى.
جاڭا پيلوتتىق جوبا 5-10-20 شارتى بويىنشا تۇرعىن ءۇي ساتىپ الۋ ءۇشىن ازاماتتاردى نەسيەلەندىرۋدى قاراستىرادى:
- نەسيە مولشەرلەمەسى 5%؛
- باستاپقى جارنا 10%-دان باستاپ؛
- نەسيەلەندىرۋ مەرزىمى – 20 جىلعا دەيىن.
- نەسيە مولشەرلەمەسى 5%؛
- باستاپقى جارنا 10%-دان باستاپ؛
- نەسيەلەندىرۋ مەرزىمى – 20 جىلعا دەيىن.
«5-10-20» جوباسىنا تۇرعىن ۇيگە مۇقتاج رەتىندە جەرگىلىكتى اتقارۋشى ورگانداردا ەسەپتە تۇرعان ازاماتتار قاتىسا الادى.
باسپانانى «نۇرلى جەر» باعدارلاماسىنىڭ اياسىندا سالىنعان جاڭا تۇرعىن ءۇي كەشەندەرىنەن دە، جەكە قۇرىلىس سالۋشىلاردان دا ساتىپ الۋعا بولادى. ءقازىر جوبانىڭ شارتتارى تالقىلانىپ جاتىر جانە كەلەسى پارامەترلەر ۇسىنىلۋدا:
ەڭ جوعارى زاەم سوماسى جەكە قۇرىلىس سالۋشىلار ۇسىنعان جاڭا ۇيلەر بويىنشا قازاقستاننىڭ ءار ايماعىنا بايلانىستى:
- نۇر-سۇلتان، الماتى جانە وسى قالالاردىڭ ماڭىنداعى ايماقتار ءۇشىن 18 ملن اسپايدى؛
- اتىراۋ، اقتاۋ، اقتوبە، تۇركىستان جانە قاراعاندى وبلىستارى، سونداي-اق شىمكەنت قالاسى ءۇشىن 15 ملن تەڭگەدەن اسپايدى؛
- باسقا ايماقتار ءۇشىن 12 ملن تەڭگەدەن اسپايدى.
- اتىراۋ، اقتاۋ، اقتوبە، تۇركىستان جانە قاراعاندى وبلىستارى، سونداي-اق شىمكەنت قالاسى ءۇشىن 15 ملن تەڭگەدەن اسپايدى؛
- باسقا ايماقتار ءۇشىن 12 ملن تەڭگەدەن اسپايدى.
اكىمدىكتەر سالعان نەسيە تۇرعىن ءۇي بويىنشا 1 شارشى مەتر بويىنشا كەلەسى باعا پارامەترلەرى بەلگىلەنگەن:
240 مىڭ تەڭگەگە دەيىن – الماتى قالاسىندا؛
220 مىڭ تەڭگەگە دەيىن – نۇر-سۇلتاندا جانە وسى قالا ماڭىنداعى ايماقتا؛
200 مىڭ تەڭگەگە دەيىن – شىمكەنت قالاسىندا جانە الماتى ماڭىنداعى ايماقتا؛
180 مىڭ تەڭگەگە دەيىن – اقتوبە، اتىراۋ، اقتاۋ، تۇركىستان جانە قاراعاندى وبلىستارىندا؛
160 مىڭ تەڭگەگە دەيىن – باسقا ايماقتاردا.
220 مىڭ تەڭگەگە دەيىن – نۇر-سۇلتاندا جانە وسى قالا ماڭىنداعى ايماقتا؛
200 مىڭ تەڭگەگە دەيىن – شىمكەنت قالاسىندا جانە الماتى ماڭىنداعى ايماقتا؛
180 مىڭ تەڭگەگە دەيىن – اقتوبە، اتىراۋ، اقتاۋ، تۇركىستان جانە قاراعاندى وبلىستارىندا؛
160 مىڭ تەڭگەگە دەيىن – باسقا ايماقتاردا.
«5-10-20» پيلوتتىڭ جوباسى حالىقتى تۇرعىن ۇيمەن قامتاماسىز ەتۋگە ارنالعان قوسىمشا شارا رەتىندە ازىرلەنىپ جاتىر.
– ق ر پرەزيدەنتى ق.توقايەۆ اتاپ وتكەندەي، تۇرعىن ءۇي قۇرىلىس جيناق بانكى بازاسىندا جىل سوڭىنا دەيىن دامۋ جانە قولداۋدىڭ «وتباسى بانكى» اتتى تولىققاندى ينستيتۋتى قۇرىلادى. ول ەسەپكە الۋ، تىركەۋ جانە تۇرعىن ءۇيدى ءبولىستىرۋدى ءبىر ورتالىقتان اتقاراتىن بولادى. قويىلىپ وتىرعان مىندەتتى ورىنداۋ ءۇشىن قازىرگى كەزەك جۇيەسىن اكىمدىكتەردەن «وتباسى بانككە» بەرۋ جوسپارلانىپ وتىر. ءوز كەزەگىندە «وتباسى بانكى» باسپاناسى جوق جانۇيالار ءۇشىن «ءبىر تەرەزە» قاعيداتى بويىنشا قىزمەت ۇسىناتىن بولادى، – دەپ اتاپ ءوتتى تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا.
– تۇرعىن ءۇي قولجەتىمدىلىگى ساتىسى بەلسەندى تۇردە ەندىرىلەدى. ءبىر مۇشە ءۇشىن ءبىر كم-نان (كۇنكورىس مينيمۋمى) تومەن تابىس تاباتىن وتباسىلار ءۇشىن ساتىپ الۋ قۇقىعىنسىز ءۇيدى جالعا الۋ مۇمكىندىگى ۇسىنىلادى. 2 كم-نا دەيىن تابىسقا يە باسپاناسىز وتباسىلار (كوپبالالى، تولىق ەمەس جانە مۇمكىندىگى شەكتەۋلى بالالاردى اسىراپ وتىرعان وتباسىلار) «باقىتتى وتباسى» باعدارلاماسىنا، ال 3،1 كم-نا دەيىن تابىسقا يە باسپاناسىز وتباسىلار «5-10-20» پيلوت جوباسىنا قاتىسا الادى.
2020 جىلدىڭ 1 قاڭتارىنداعى مالىمەتتەر بويىنشا، جەرگىلىكتى اتقارۋشى ورگانداردا 540 مىڭنان استام ادام كەزەكتە تۇر.
پىكىر قالدىرۋ