بۇل تۋرالى وبلىستىق كوممۋنيكاسيالار ورتالىعىندا وتكەن بريفينگ بارىسىندا «مەملەكەتتىك الەۋمەتتىك ساقتاندىرۋ قورى» اق ماڭعىستاۋ وبلىسى بويىنشا فيليال باسشىسى نۇرسۇلۋ كونبايەۆا مالىمدەدى.

-ماڭعىستاۋ وبلىسى بويىنشا «مەملەكەتتىك الەۋمەتتىك ساقتاندىرۋ قورى» اق (ءماسق) 2020 جىلدىڭ ءى توقسانىندا 8463 الۋشىعا جالپى سوماسى  1،5 ملرد. تەڭگە الەۋمەتتىك تولەمدەر جۇرگىزدى، ونىڭ ىشىندە:

- ەڭبەك ەتۋ قابىلەتىنەن ايىرىلۋى  بويىنشا 310 الۋشىعا 7،1 ملن.تەڭگە؛

- اسىراۋشىسىنان ايىرىلۋى بويىنشا 46 الۋشىعا 2،4 ملن.تەڭگە؛

- جۇمىسىنان ايىرىلۋى  بويىنشا 2 381 الۋشىعا 75،5 ملن.تەڭگە؛

- جۇكتىلىگى جانە بوسانۋى، جاڭا تۋعان بالانى (بالالاردى) اسىراپ الۋى بويىنشا 2 444 الۋشىعا 1،3 ملرد.تەڭگە؛

- ءبىر جاسقا تولعانعا دەيىنگى بالا كۇتىمىنە  3 282 الۋشىعا 117،1 ملن. تەڭگە تولەم الدى- دەدى فيليال باسشىسى.

قازاقستان رەسپۋبليكاسىنىڭ پرەزيدەنتى ق.ك.توقايەۆتىڭ ەلىمىزدە توتەنشە جاعداي (تج)  ەنگىزىلۋ كەزەڭىندە شاعىن، ورتا جانە ءىرى كاسىپكەرلىك سۋبەكتىلەرىن قورعاۋ (كارانتين رەجيمى ەنگىزىلگەن) جونىندەگى تاپسىرماسىن ورىنداۋ ماقساتىندا، 2020 جىلدىڭ 1 ساۋىرىنەن باستاپ كىرىسىنەن ايىرىلۋى جاعدايىنا 42 500 تەڭگە مولشەرىندە الەۋمەتتىك تولەم جۇرگىزىلۋدە.

فيليال باسشىسى نۇرسۇلۋ كونبايەۆانىڭ مالىمدەۋىنشە، «بۇل رەتتە، مەملەكەتتىك ورگانداردىڭ، اكسيالارى جانە جارعىلىق كاپيتالىنداعى ۇلەستەرى تىكەلەي نەمەسە جاناما تۇردە مەملەكەتكە تيەسىلى زاڭدى تۇلعالاردىڭ، ەكىنشى دەڭگەيدەگى بانكتەردىڭ، بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ قىزمەتكەرلەرىنە اتالعان تولەم تولەنبەيدى.

ماڭعىستاۋ وبلىسى بويىنشا 42 500 تەڭگە الەۋمەتتىك تولەم تاعايىنداۋعا 407 719  ءوتىنىش ءتۇستى،  ولاردىڭ ىشىندە بارلىعى  154 017 ادامعا تاعايىندالدى، جالپى سوماسى  6،5 ملرد. تەڭگە.

وسىلايشا، تج كەزەڭىندە ءماسق قارجىسى ەسەبىنەن حالىققا ايتارلىقتاي الەۋمەتتىك كومەك كورسەتىلدى. جۇمىس بەرۋشىلەر ولار ءۇشىن ءماسق ۋاقتىلى الەۋمەتتىك اۋدارىمدار تولەگەن مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى اتالعان تولەمدى ۋاقتىلى جانە تولىق كولەمدە الدى.

سونىمەن قاتار، ءبىزدىڭ ءوڭىر بويىنشا 2 807 ادامعا الەۋمەتتىك تولەم تاعايىنداۋدان باس تارتىلدى.

باس تارتۋدىڭ نەگىزگى سەبەپتەرى:

- تج ەنگىزىلگەنگە دەيىن سوڭعى 12 اي ىشىندە ءماسق الەۋمەتتىك اۋدارىمداردىڭ تۇسپەۋى؛

- ەكى جانە ودان دا كوپ جۇمىس بەرۋشىدەن تابىس الۋى، ونىڭ ىشىندە كاسىپكەرلىك قىزمەتتى قوسا العاندا، ەڭبەك نەمەسە كاسىپكەرلىك جۇمىسىن جالعاستىرعان (ونىڭ ىشىندە قاشىقتىقتان جۇمىس ىستەگەن) نەمەسە تولەنەتىن دەمالىس بەرىلگەن/ تولەنەتىن جۇمىستارىنىڭ ءبىرى توقتاپ تۇرعان جاعدايدا؛

- بيۋدجەتتەن زەينەتاقى تولەمدەرى مەن جاردەماقى،  سونداي-اق ءماسق الەۋمەتتىك تولەمنىڭ باسقا دا ءتۇرىن الۋشىلار، تج ەنگىزىلگەننەن كەيىن بجت العاش رەت تولەگەندەر».  

-42500 تەڭگە تولەم تج كەزەڭىندە كىرىسىنەن ايىرىلۋى جاعدايىنا تاعايىندالادى.

وسىعان بايلانىستى، اتالعان تولەمدى تاعايىنداۋعا ءوتىنىش بەرگەندە تج كەزەڭىندە كىرىسىنىڭ بولماۋى تۋرالى  جالعان اقپارات بەرگەنى ءۇشىن ءاربىر ازامات  جاۋاپتى بولادى.

ءبىزدىڭ ءوڭىر بويىنشا 1652   (ادام) ادال نيەتتى الۋشىلار اتالعان تولەمدى تج كەزەڭىندە كىرىستەرىنىڭ بولۋىنا بايلانىستى ءوز ەرىكتەرىمەن قايتاردى،- دەدى نۇرسۇلۋ كونبايەۆا.

ونىڭ ايتۋىنشا، ەكونوميكالىق جانە الەۋمەتتىك تاۋەكەلدەر اياق استىنان بولۋى مۇمكىن، سوندىقتان الەۋمەتتىك ساقتاندىرىلعان ادام جۇمىس ىستەمەيتىن ادامدارعا قاراعاندا  باسىمدىققا يە بولادى. ەگەر جۇمىسقا تۇرعاندا ءاربىر ازامات رەسمي تۇردە ەڭبەك شارتىن جاساسا، وندا جۇمىس بەرۋشى اۆتوماتتى تۇردە ءوزىنىڭ قارجىسى ەسەبىنەن ءماسق الەۋمەتتىك اۋدارىمدار تولەيتىن بولادى جانە الەۋمەتتىك تاۋەكەلدەر تۋعان جاعدايدا اتالعان ازاماتتار مەملەكەتتەن ءتيىستى الەۋمەتتىك كومەك الاتىن بولادى.

-اعىمداعى جىلعى 12 مامىر كۇنگى جاعداي بويىنشا 96 067 وبلىس تۇرعىندارى  «42 500 تەڭگە» تولەمىنىڭ ەكىنشىسىن الدى. وسى باعىتتاعى جۇمىس جالعاسۋدا،-دەيدى فيليال باسشىسى.

ءماسق ماڭعىستاۋ وبلىسى بويىنشا فيليالىنىڭ بايلانىس تەلەفوندارى: 46-85-22، 46-85-26.