ق ر دسم قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى سەرجان ايدوسوۆ قازاقستان دارىگەرلەرى تاجىريبە الماسۋ ءۇشىن قىتايعا باراتىنىن ءمالىم ەتتى، دەپ حابارلايدى قازاقپارات.
– دەنساۋلىق ساقتاۋ ءمينيسترىنىڭ جۇڭگو ەلشىسىمەن سوڭعى كەزدەسۋى بارىسىندا جۇڭگو دەنساۋلىق ساقتاۋ ءمينيسترىنىڭ ۇسىنىسىمەن قازاقستان ماماندارىن سول ەلدە تاجىريبە الماسۋعا جىبەرۋ ماسەلەسى كوتەرىلدى. وسى باعىتتا باعدارلاما مەن باراتىن ماماندار تىزبەسىن جاساپ جاتىرمىز، – دەدى سەرجان ايدوسوۆ.
ونىڭ اتاپ وتۋىنشە، قىتايعا تاجىريبە الماسۋعا باراتىن مەديسينا ماماندارىنا جۇمسالاتىن شىعىندى ەلدىڭ دەنساۋلىق ساقتاۋ مينيسترلىگى جانە جەرگىلىكتى مەكەمەلەر تولەيدى.
– بۇعان قوسا، ەلىمىزدىڭ سىرتقى ىستەر مينيسترلىگىنىڭ دە ۇلكەن كومەگى بولادى. ولار بىزگە قولداۋ كورسەتىپ وتىر. جالپى، ماماندارىمىزدىڭ قاشان باراتىنى تۋرالى ناقتى جوسپار جوق. ءبىراق 2-3 اپتانىڭ ىشىندە انىقتالادى. ولار بەيجىڭ قالاسىنا بارادى دەپ جوسپارلانعان، – دەدى ول.
پىكىر قالدىرۋ