كوروناۆيرۋسپەن كۇرەستى جانە ودان جاھاندى قۇتقارىپ قالۋ ارەكەتىن بەينەلەيتىن اشىق بوياۋلى سۋرەتتەر تولە بي جانە چوكين كوشەلەرىنىڭ قيىلىسىنداعى ءۇي قابىرعاسىنا ورنالاستىرىلعان.

الماتى قالاسىنىڭ اكىمى باقىتجان ساعىنتايەۆ ءوزىنىڭ Twitter الەۋمەتتىك جەلىسىندەگى پاراقشاسىندا بۇل ءبىزدىڭ دەنساۋلىعىمىز بەن قاۋىپسىزدىگىمىز ءۇشىن جان اياماي كۇرەسىپ جۇرگەن دارىگەرلەرگە، اسكەريلەر جانە پوليسەيلەرگە العىس بىلدىرگەن ەكىنشى مۋرال ەكەنىن جازدى.

مۋرالدىڭ اۆتورلارى – تانىمال سۋرەتشىلەر تامارا ەلفيموۆا مەن دجوحار يۋنۋسوۆ. ولاردىڭ ويىنشا، بۇل گراففيتي پاندەميانى جەڭەتىنىمىزدىڭ سيمۆولى جانە وسىناۋ كۇردەلى كەزەڭدەگى جانكەشتى ەڭبەكتەرىمىزدى ەسكە سالىپ تۇرۋى ءتيىس.

ەسكە سالايىق، پاندەميامەن كۇرەستە الدىڭعى شەپتە جۇرگەن دارىگەرلەر ەڭبەگىنە ارنالعان بۇعان دەيىنگى العاشقى مۋرالدى ءادي ءشارىپوۆ كوشەسى، 118ء-ۇيدىڭ قاسبەتىنە سۋرەتشى ءجۇمادىل ەلۋكەنوۆ بەينەلەنگەن بولاتىن.

 

ءبىزدىڭ سۋرەتشىلەر كوروناۆيرۋسپەن كۇرەستىڭ، جەردى قۇتقارىپ قالۋدىڭ سيمۆولىن بەينەلەيتىن مۋرال سالدى. بۇل — دەنساۋلىعىمىز بەن قاۋىپسىزدىگىمىزدى قورعاۋدا جانىن پيدا ەتىپ جۇرگەن دارىگەر، اسكەريلەر مەن پوليسەيلەرگە العىس رەتىندە سالىنعان قالاداعى ەكىنشى گراففيتي. #AlmatyBirgemiz pic.twitter.com/ZLR8nHpGlH

— باكىتجان ساگينتايەۆ (@sagintayev_b) May 13، 2020