ەلىمىزدە جاريالانعان توتەنشە جاعدايعا قاراماستان شىعىس قازاقستانداعى ءىرى كاسىپورىندار جۇمىسىن توقتاتپايدى.
شقو كاسىپكەرلەر پالاتاسى ديرەكتورىنىڭ ورىنباسارى قايرات مامىربايەۆتىڭ ايتۋىنشا، پالاتا قىزمەتكەرلەرى تج جاريالانعان ءبىرىنشى كۇننەن باستاپ كاسىپكەرلىك سۋبەكتىلەرىنە بارىپ، قازاقستان رەسپۋبليكاسىنداعى داعدارىستىڭ الدىن الۋ جۇمىستارى قالاي جۇرگىزىلىپ جاتقانىن تۇسىندىرۋدە. بۇگىندە ءبىرقاتار شارالار قابىلدانىپ، سونىڭ نەگىزىندە تۋريزم، ءقوناقۇي قىزمەتى مەن قوعامدىق تاماقتانۋ ورىندارىنىڭ يەلەرى سالىقتان بوساتىلدى. 1 ماۋسىمنان باستاپ ميكرو، شاعىن جانە ورتا بيزنەس وكىلدەرى سالىقتان بوساتىلادى. سونداي-اق بارلىق بيزنەس سۋبەكتىسى ءۇش اي بويى نەسيەنى تولەۋدى كەيىنگى شەگەرە الادى.
كاسىپورىنداردىڭ كوبى جۇمىسىن توقتاتا المايدى نەمەسە باسشىلىق قىزمەتكەرلەرىن قاشىقتىقتان ەڭبەك ەتۋگە جىبەرە الادى. «سيلۋمين-ۆوستوك» ءجشس-نىڭ ديرەكتورى زويا نوۆولودسكايانىڭ ايتۋىنشا، اتالمىش كومپانيا توتەنشە جاعدايعا بايلانىستى بىردە-بىر قىزمەتكەردى ەڭبەك دەمالىسىنا نەمەسە سەبەپسىز جۇمىستان بوساتپاعان.
– ءبىزدىڭ كاسىپورىندا كوروناۆيرۋستىق ينفەكسيانىڭ الدىن الۋ ماقساتىندا پروفيلاكتيكالىق شارالار جاسالادى. كومپانيا 100 پايىز قاجەتتى قۇرالدارمەن جابدىقتالعان. ءبىز ماشينا قۇراستىرۋ جۇمىسىن توقتاتا المايمىز. ويتكەنى وسى كاسىپورىندا شىعارىلاتىن تەحنيكا كوممۋنالدىق قىزمەت ءۇشىن اۋاداي قاجەت. ارينە، تج كەزىندە كوپتەگەن ساۋال تۋىندايدى. سونىمەن قاتار كاسىپورىنعا قارجىلىق تۇرعىدان اۋىرتپاشىلىق ءتۇسىپ، كومپانيانىڭ بيۋدجەتى ازايادى. ءسوز سوڭىندا مەملەكەت باسشىسى قاسىم-جومارت توقايەۆقا كاسىپكەرلەرگە كورسەتىپ وتىرعان قولداۋى ءۇشىن العىس ايتقىم كەلەدى، - دەدى زويا نوۆولودسكايا.
الايدا كۇش-قۋاتىن ازايتقان كاسىپورىندار دا بار. سولاردىڭ ءبىرى - «ۋك تريپلەكس». اتالمىش كومپانيا شىنى شىعارۋىمەن اينالىسادى. بۇگىندە بۇل كاسىپورىن قىزمەتكەرلەرىنىڭ 30 پايىزى عانا جۇمىس ىستەپ ءجۇر. قالعان 70 پايىزى اقىلى ەڭبەك دەمالىسىنا جىبەرىلگەن.
– ەلىمىزدە جاريالانعان توتەنشە جاعدايعا بايلانىستى ءبىزدىڭ كاسىپورىن قىزمەتكەرلەرى قىسقارتىلعان رەجيمدە ءجۇمىس ىستەۋگە كوشتى. جۇمىسشىلاردىڭ دەنى اقىلى ەڭبەك دەمالىسىنا شىقتى. ال قالعاندارى قىزمەتتىك كولىكپەن جۇمىسقا كەلەدى. بۇدان بولەك ءبىز جۇمىس ۋاقىتىن قىسقارتتىق، - دەي كەلە «ۋك تريپلەكس» ءجشس-نىڭ ديرەكتورى كونستانتين بوروداستوۆ: - وسىنداي قيىن كەزەڭدە بىزگە كومەك كورسەتىپ، نەسيەنى تولەۋ مەرزىمىن 90 كۇنگە دەيىن شەگەرگەنى ءۇشىن ۇكىمەتكە العىس ايتامىن. كاراتين اياقتالعان سوڭ ءبىزدىڭ كاسىپورىن تولىق كۇش-قۋاتپەن جۇمىسقا كىرىسەدى.
پىكىر قالدىرۋ