شىعىس قازاقستان وبلىستىق ىشكى ساياسات باسقارماسىنىڭ «رۋحاني جاڭعىرۋ» وڭىرلىك ورتالىعى «مەن باتىردىڭ ۇرپاعىمىن!» اتتى ينتەرنەت-چەللەندجدى باستادى. چەلەندج 1 ءساۋىر مەن 5 مامىر ارالىعىندا وتەدى.
ينتەرنەت-چەللەندج «رۋحاني جاڭعىرۋ» باعدارلاماسىنىڭ ارنايى جوبالارىن، «ۇلى دالانىڭ جەتى قىرى» ماقالاسى مەن ۇلى وتان سوعىسىنىڭ 75 جىلدىعىنا وراي ۇيىمداستىرىلادى.
ءبىز سىزدەردى اتالمىش چەللەندجگە قاتىسۋعا شاقىرامىز. ول ءۇشىن Instagram، Facebook، YouTube-تاعى «رۋحاني جاڭعىرۋ - شىعىس قازاقستان» توپتارىنا تىركەلىپ، وتباسىلىق مۇراعاتتان سوعىسقا قاتىسقان تۋعان-تۋىستارىڭىزدىڭ (جاۋىنگەرلەر مەن تىل ەڭبەككەرلەرىنىڭ) سۋرەتتەرىن تاۋىپ، جەلىگە جۇكتەۋ قاجەت. سونداي-اق جۇكتەلگەن سۋرەتتىڭ تاريحى تۋرالى قىسقاشا اقپارات جازۋ كەرەك. چەللەندجگە قاتىسۋشىلار بۇل اقپاراتتى تيۋبينگ رەتىندە دە ۇسىنىلا الادى. ايتا كەتەيىك، تيۋبينگ – ۆيدەوبلوگتىڭ جاڭا ءتۇرى.
چەللەندجدى دوس-جاراندارىڭىزعا ەستافەتا رەتىندە ۇسىنۋعا بولادى.
ءبىز بۇل چەللەندجگە جاستارمەن قاتار اعا بۋىن وكىلدەرى دە قاتىسادى دەپ سەنەمىز. ويتكەنى شىعىس قازاقستان وبلىسىندا ۇلى وتان سوعىسىنىڭ زارداپتارىن تارتقان ادام كەمدە-كەم.
پىكىر قالدىرۋ