شىعىس قازاقستان وبلىستىق ەتنوگرافيالىق مۋزەيىندە قازاقستان جازۋشىلار وداعىنىڭ مۇشەسى، قازاقستاننىڭ حالىق قاھارمانى قاسىم قايسەنوۆتىڭ شىعارماشىلىعىنا ارنالعان كورمە اشىلدى.
كورمەدە جازۋشىنىڭ مۋزەي-قورىقتىڭ قور توپتاماسىنان الىنعان كىتاپتارى، كيىمدەرى جانە مەموريالدىق بۇيىمدارى قويىلىپ وتىر.
- مۇندا ەلىمىز تاۋەلسىزدىك العان جىلدارى قاسىم قايسەنوۆتىڭ «حالىق قاھارمانى» اتاعىن ەلباسىمىزدىڭ قولىنان العان كەزدەگى فوتوسۋرەتى ساقتالعان. بۇدان بولەك كورمەدە باتىردىڭ جۇمىس ۇستەلى، جازۋ قۇرالدارى قويىلعان. سونداي-اق قاسىم قايسەنوۆكە جەرلەستەرى تارتۋ ەتكەن گرانيتتەن جاسالعان قالام قويعىش تا وسىندا ساقتاۋلى تۇر، - دەدى وبلىستىق ەتنوگرافيالىق مۋزەي ديرەكتورىنىڭ ورىنباسارى گۇلجان كاشاكۋ.
پىكىر قالدىرۋ