الماتى پوليسياسى اكىمدىك قىزمەتكەرلەرىمەن بىرلەسىپ، حالىقتى كارانتين نورمالارىن ساقتاۋ بويىنشا اقپاراتتاندىرۋدى كۇشەيتۋگە باعىتتالعان رەيدتىك شارالاردى باستادى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

– بىرىنشىدەن، ءبىز بۇگىندە ازاماتتاردىڭ جەكە قورعانۋىنىڭ نەگىزگى قۇرالدارىنىڭ ءبىرى بولىپ تابىلاتىن ماسكا رەجيمىن ساقتاۋ تۋرالى ايتىپ وتىرمىز. تاجىريبە كورسەتكەندەي، كەيبىرەۋلەر ءتىپتى كارانتيننىڭ ەرەجەلەرىن ساقتاۋدى توقتاتتى: ولار مەديسينالىق ماسكالاردى الىپ تاستاپ، قوناققا بارىپ ءجۇر، قولدى جانە ۇيلەرىن انتيسەپتيكپەن ءسۇرتۋدى ۇمىتىپ كەتكەن. قانشالىقتى دورەكى كورىنسە دە، بۇل كورونوۆيرۋستىق ينفەكسيانىڭ تارالۋىنا تىكەلەي اسەر ەتەتىن فاكتورلار، بۇل ينفەكسيانىڭ تارالۋى ءۇشىن قولايلى ورتا. وسىعان وراي، قالالىق بيلىك جاپپاي ازاماتتار مەن قوعامدىق كولىكتەردە ءتۇسىندىرۋ جۇمىستارىن كۇشەيتتى.ءقازىر تاڭەرتەڭنەن باستاپ پوليسيا قىزمەتكەرلەرى مەن اۋدان اكىمدىكتەرىنىڭ اراسىنان ونداعان ءموبيلدى توپتار قۇرىلدى، – دەدى، الماتى قالالىق پوليسيا دەپارتامەنتى باستىعىنىڭ ءبىرىنشى ورىنباسارى، پوليسيا پولكوۆنيگى نۇرلان الماسبەكوۆ.

 

سونىمەن قاتار، ءتارتىپ ساقشىلارى ماسكا رەجيمىن، الەۋمەتتىك قاشىقتىقتى جانە كارانتين تالاپتارىن قاتاڭ ساقتاۋعا شاقىرادى. بۇل ءسىزدىڭ جانە جاقىندارىڭىزدىڭ دەنساۋلىعىنىڭ قاۋىپسىزدىگىنىڭ كەپىلى.