شىمكەنتتەگى يچ 167/10 تۇزەۋ مەكەمەسىندە جازاسىن وتەپ جاتقان 36 جاستاعى ەر ادامنىڭ قاشىپ كەتكەنى بەلگىلى بولدى. سوتتالۋشى ءوزىنىڭ عاشىعىمەن كەزدەسۋ ءۇشىن تۇرمەدەن قاشقان، دەپ جازادى otyrar.kz سايتى.
اتالمىش وقيعا 22 مامردا بولعان. ۇرلىق جانە باسقا دا قىلمىستارى ءۇشىن 6 جىلعا سوتتالعان ازامات كولونيادان بەلگىسىز باعىتتا قاشقان.
"جەدەل توپ بىردەن قاشقىندى ىزدەۋگە كىرىستى. پوليسيا جانە ۇلتتىق ۇلان قىزمەتكەرلەرى جۇمىلدىرىلدى. ءبىر جارىم كۇننەن سوڭ ەر ادامنىڭ توعىس اۋىلىندا ەكەنى انىقتالدى. تۇزەۋ مەكەمەسىنە جەتكىزىلىپ، يزولياتورعا قامالدى"، - دەپ حابارلادى قىلمىستىق-اتقارۋ جۇيەسىنىڭ شىمكەنت قالاسىنداعى دەپارتامەنتى.
ول تۇرمەدە جاتقان كەزدە ايەلمەن حات ارقىلى تانىسقان. سوتتالۋشى تۇرمەدەن قاشىپ، كەزدەسۋگە بارماق بولعان. ءقازىر كولونيا باسشىلىعىنا قاتىستى تەرگەۋ ءجۇرىپ جاتىر.
پىكىر قالدىرۋ