الماتى قالاسىنىڭ اكىمى باقىتجان ساعىنتايەۆ بلوكبەكەتتە قايتىس بولعان پوليسەيلەردىڭ وتباسىنا ەكى پاتەر بەرىلەدى دەپ ونلاين بريفينگ بارىسىندا ايتتى.
– وتە وكىنىشتى جاعداي. ەكى بىردەي ازاماتىمىزدىڭ وتباسى مەن تۋىستارىنا كوڭىل ايتامىن. ءبىز بۇل جاعدايدان شەتتە قالمادىق. قالا اكىمدىگى بۇل باعىتتا جۇمىس جاساپ جاتىر. ءقازىر كاسىپكەرلەر تاراپىنان ەكى وتباسىعا 2 پاتەر الىپ بەرۋ تۋرالى ويلاستىرىپ جاتىرمىز. سونداي-اق، تۋىستار تاراپىنان ايتىلعان بارلىق قارجىلىق ماسەلەلەرگە بارىنشا كومەك كورسەتەتىن بولامىز، – دەدى ب. ساعىنتايەۆ.
ايتا كەتەيىك، بۇگىن ىشكى ىستەر ءمينيسترى ەرلان تۇرعىمبايەۆتىڭ بۇيرىعىمەن باسشىلىق قىزمەتتە جۇرگەن توعىز پوليسەيگە قاتىستى تارتىپتىك جازالاۋ شاراسى قابىلداندى.
ەسكە سالا كەتسەك، 25 مامىر كۇنى تاڭعا جۋىق № 4 بلوكپوستا BMW جۇرگىزۋشىسى ماس كۇيىندە بەتون قورشاۋعا سوعىلىپ بارىپ، ينەرسيامەن پاترۋلدىك پوليسيا كولىگىن سوققان. جول-كولىك وقيعاسىنان ەكى پوليسيا قىزمەتكەرى كوز جۇمدى. تاعى ءبىر پوليسەيدىڭ جاعدايى اۋىر.
پىكىر قالدىرۋ