اتىراۋ وبلىسىندا ءيتتى توڭازىتقىشتىڭ ەسىگىنە قىلقىندىرىپ، جەلىدە رەزونانس تۋدىرعان ەر ادام بارشا قازاقستاندىقتاردان كەشىرىم سۇراپ، جاساعان ارەكەتى ءۇشىن وكىنەتىنىن ايتتى.
– اسسالاۋماعالەيكۋم، قازاق ەلى. مەن، جۇماتايەۆ ماقبان جالعاس ۇلى بولامىن. اتىراۋ وبلىسى،ەركىنقالا اۋىلىندا تۇرامىن. كەشە ءيتتى قورلادىم، جاساعان ىسىمە وكىنەمىن. يت ءۇش-تورت كۇن بۇرىن كەلگەن قىزىما شاپدى. كەشە ءتۇس ۋاقىتىندا يت بوساپ كەتىپ، اتا-انام ەككەن جىلىجاي ساتىسىن تاپتاپ، سەللوۆانداردى جىرتقانى ءۇشىن ماستىقپەن ونى قورلادىم. مەنى ۆيدەوعا تۇسىرگەن جىگىت يتتەن اراشالاپ مەنى امان-ەسەن الىپ قالدى. يت قازىرگى ۋاقىتتا ءتىرى. ونى تولىق تەكسەرۋ ءۇشىن قالالىق ۆەتەرينارعا الىپ كەتتى. ىستەگەن ىسىمە وكىنەمىن. بارشا قازاقستاندىقتاردان، سونداي-اق اتىراۋلىقتاردان كەشىرىم سۇرايمىن. ەندى ەكىنشى مۇلدەم قايتالامايمىن. بارشالارىڭىزدان كەشىرىم سۇرايمىن، – دەدى ەر ادام.
ەسكە سالا كەتەيىك، 31 مامىر كۇنى قالا ماڭىنداعى ەركىنقالا اۋىلىندا ءيتتى توڭازىتقىش ەسىگىمەن قىلعىندىرىپ جاتقان ەر ادامنىڭ ۆيدەوسى جەلىدە رەزونانس تۋدىرعان بولاتىن.
پىكىر قالدىرۋ