ق ر باس پروكۋراتۋراسى دا “بەيبىت جينالىستار تۋرالى” زاڭ تالاپتارىن، سونداي-اق كارانتيندىك شارالاردى مۇلتىكسىز ساقتاۋ قاجەتتىگى تۋرالى ازاماتتارعا ەسكەرتتى. سونداي-اق ولاردى ارانداتۋشىلىقتارعا بوي الدىرماۋعا جانە زاڭسىز نارازىلىق اكسيالارىنا قاتىسپاۋعا شاقىردى.
كارانتين رەجيمىن قاتاڭ ساقتاۋ قاجەتتىگى تۋرالى ەسكەرتۋلەرگە قاراماستان، قازاقستاننىڭ كەيبىر قالالارىندا 2020 جىلعى 6 ماۋسىمدا جەكەلەگەن ازاماتتار زاڭسىز ميتينگىلەر وتكىزۋگە ارەكەت جاسادى.
پروكۋراتۋرا جانە جەرگىلىكتى اتقارۋشى ورگانداردىڭ وكىلدەرى جينالعاندارعا ولاردىڭ ىس-ارەكەتتەرى زاڭسىز بولىپ تابىلاتىنىن ءتۇسىندىردى. الايدا، ءبىرقاتار تۇرعىندار زاڭدى تالاپتارعا باعىنبادى.
سوندىقتان ىشكى ىستەر ورگاندارى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ بويىنشا ءتيىستى شارالار قابىلدادى. كارانتيندىك شەكتەۋلەر مەن زاڭ تالاپتارىن بۇزعاندار ىس-ارەكەتتەرىن توقتاتۋدان باس تارتتى. سول سەبەپتى ولارمەن پروفيلاكتيكالىق جۇمىس جۇرگىزۋ جانە ىس-ارەكەتتەرىنە قۇقىقتىق باعا بەرۋ ءۇشىن بىرنەشە ادام پوليسياعا جەتكىزىلدى.
جالپى، پوليسياعا 53 ادام جەتكىزىلسە، ونىڭ سەگىزى اكىمشىلىك جاۋاپكەرشىلىككە تارتىلدى، ولاردىڭ جەتەۋىنە ايىپپۇل سالىندى، ءبىر ادامعا ەسكەرتۋ جاسالدى. بيلىك وكىلىنە قارسى كۇش قولدانىپ، ءتىل تيگىزگەن ەكى ءتارتىپ بۇزۋشىعا قاتىستى سوتقا دەيىنگى تەرگەۋ جۇرگىزىلۋدە. قالعان ادامدار پروفيلاكتيكالىق اڭگىمەلەسۋدەن كەيىن ۇيلەرىنە جىبەرىلدى" دەلىنگەن مينيسترلىك مالىمدەمەسىندە.
