اقش-تاعى اۋرۋلاردى باقىلاۋ جانە الدىن الۋ ورتالىقتارىنىڭ (CDC) ماماندارى قولدى دەزينفەكسيالىق قۇرالمەن ءجيى جۋۋدىڭ دەنساۋلىققا زيان ەكەنى ءمالىم ەتتى. 

سوڭعى كەزدەرى حالىقتىڭ كلينيكالار مەن توكسيكولوگيالىق ورتالىقتارعا كەلۋى جيىلەپ كەتكەن. ادامدار سىركە سۋى، اممياك ەرىتىندىسى سياقتى ۋلى دەزينفەكسيالىق قۇرالداردى قولدانعاننان كەيىن دەنساۋلىعىنىڭ ناشارلاعانىن ايتىپ شاعىمدانعان.

شەتەلدىك ماماندارىنىڭ 502 ادامعا جۇرگىزگەن ساۋالناماسىنىڭ قورىتىندىسى بويىنشا قولدى بىرنەشە رەت دەزينفەكسيالىق قۇرالمەن جۋعان 11 پايىز ادامنىڭ جۇتقىنشاعى ءىسىپ، 8 پايىزىنىڭ تەرىسى قابىنىپ، باسى اينالعان، نە باسى اۋىرعان. قالعان ناۋقاستاردىڭ جۇرەگى اينىپ، تىنىس الۋى قيىنداعان.

CDC ماماندارى قول جۋۋ ۆيرۋستىق اۋرۋلار ءۇشىن ەڭ جاقسى پروفيلاكتيكا دەپ تۇجىرىمدايدى. دەگەنمەن دەزينفەكسيالىق قۇرالدار ۆيرۋستاردان قورعانىمەن، ونى قولدانۋدىڭ الدىندا نۇسقاۋلىقتى وقىپ، دەنەنىڭ اشىق جەرلەرىنە اباي بولۋ كەرەك دەيدى زەرتتەۋ اۆتورلارى.