بىرنەشە ساعات بۇرىن نيۋ-يورك قالاسى برۋكليندەگى ءارتۇرلى اۋدانداردا ءۇش اتىس بولىپ، جەتى ادام جارالانعان. بۇل تۋرالى قامشى ءتىلشىسى The New York Post باسىلىمىنا سىلتەمە جاساپ حابارلايدى. 

– مىلتىقپەن اتىس بەينبريدج كوشەسىندە جەرگىلىكتى ۋاقىتپەن 22:40 شاماسىندا باستالعان، – دەپ جاريالادى پوليسيا قىزمەتكەرلەرى.

بيلىك وكىلدەرى 27 جانە 34 جاستاعى ەكى ەر ادامنىڭ اياعىنا وق تيگەنىن مالىمدەدى. ولار كينگس كاۋنتي اۋرۋحاناسىنا جەتكىزىلگەن جانە ءتىرى قالادى دەپ كۇتىلۋدە.

بەس مينۋتتاي ۋاقىت وتكەننەن كەيىن "35 جاستاعى ەر ادام فلاتبۋش داڭعىلىندا اتىلدى" دەگەن تاعى ءبىر حابار كەلىپ ءتۇستى.

ول دا كينگس كاۋنتي اۋرۋحاناسىنا جەتكىزىلدى جانە امان قالادى دەپ كۇتىلۋدە.

سوڭعى اتىس تۇنگى ساعات 10:50 شاماسىندا بولعان. اتىستان ءتورت ادام جارالعانعان. "ءبىر ايەل جانە ءۇش ەر ادام بريستول كوشەسىندەگى اتىس كەزىندە جاراقات العان" دەپ مالىمدەگەن بيلىك وكىلدەرى مەن كۋاگەرلەر.

– 23 جاستاعى ايەلدىڭ جاعدايى وتە اۋىر، ال 17، 35 جانە 50 جاستاعى ەر ادامداردىڭ بارلىعى ومىرگە ءقاۋىپ توندىرەتىن جاراقات العان، – دەيدى پوليسيا قىزمەتكەرلەرى.

باسىلىمنىڭ جازۋىنشا، وتكەن دۇيسەنبىدەن جەكسەنبىگە دەيىن قالادا 40 اتىس دەرەگى جانە 13 كىسى ءولتىرۋ وقيعاسى بولعان.