شەتەلدىك زەرتتەۋشىلەر ۋحان اۋرۋحانالارىندا 2019 جىلدىڭ تامىزىنان باستاپ كوروناۆيرۋس پايدا بولعان بولۋى مۇمكىن ەكەنىن مالىمدەدى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.

گارۆارد ۋنيۆەرسيتەتى زەرتتەۋشىلەرىنىڭ ايتۋىنشا، جەرسەرىكتەن تۇسىرىلگەن سۋرەتتەر كورسەتكەندەي، ۋحانداعى بەس اۋرۋحانانىڭ سىرتىندا كولىكتەردىڭ كوبەيۋى تامىزدىڭ اياعىنان جەلتوقسان ايىنا دەيىن بايقالعان.

وسىعان دەيىن "ۆيرۋس قىتايدا العاش رەت قاراشا ايىندا پايدا بولدى" دەلىنىپ كەلدى. بەيجىڭ دۇنيەجۇزىلىك دەنساۋلىق ساقتاۋ ۇيىمىنا (ددسۇ) 2019 جىلدىڭ 31 جەلتوقسانىندا بەلگىسىز سەبەپپەن پنيەۆمونيا جاعدايلارىنىڭ كلاستەرى تۋرالى حابارلاعان.

– "كوروناۆيرۋس پاندەمياسى باستالدى" دەپ جاريالانۋدان بۇرىن الەۋمەتتىك رەتسىزدىكتەردىڭ بەلگىلى ءبىر دەڭگەيى بولعان، – دەدى زەرتتەۋدى باسقارعان دوكتور دجون براۋنستەين ABC جاڭالىقتارىنا.

گارۆارد عالىمدارى ۋحانداعى بەس اۋرۋحانانىڭ سىرتىنداعى جاعدايلار كورسەتىلگەن جەرسەرىكتىك دەرەكتەردى زەرتتەپ، 2018 جىلدىڭ جازى مەن كۇزىنىڭ دەرەكتەرىن 2019 جىلدىڭ ءدال وسى كەزەڭىمەن سالىستىرعان.

زەرتتەۋشىلەر ۋحانداعى ەڭ ءىرى اۋرۋحانالاردىڭ ءبىرى تيانيۋ اۋرۋحاناسىندا 2018 جىلدىڭ قازان ايىندا 171 كولىكتىڭ تۇرعانىن مالىمدەدى. جەرسەرىكتەن تۇسكەن دەرەكتەر بويىنشا، 2019 جىلعى قازاندا 285 كولىك تۇرعان. بۇل كولىك سانىنىڭ 67% -عا ارتقانىن بىلدىرەدى.