الماتى اكىمى باقىتجان ساعىنتايەۆ جۇمىس ساپارى بارىسىندا «جۇمىسپەن قامتۋدىڭ جول كارتاسى» باعدارلاماسى جانە «بيۋدجەتكە قاتىسۋ» جوباسى اياسىندا قولعا الىنعان المالى اۋدانىنىڭ كوعامدىق كەڭىستىكتەرىن اباتتاندىرۋ بارىسىمەن تانىستى.
ب. ساعىنتايەۆ Instagram-داعى پاراقشاسىندا «بيۋدجەتكە قاتىسۋ» جوباسى ارقىلى تۇرعىنداردىڭ وزدەرى تاڭداپ العان قوعامدىق كەڭىستىكتەردى اباتتاندىرۋ جۇمىستارىنىڭ بارىسىمەن تانىسقانىن جازدى. ولار – جامبىل اتىنداعى سكۆەر، جامبىل كوشەسى بويىنداعى جانە روزىباكييەۆ كوشەسى مەن قوجامقۇلوۆ كوشەسىنىڭ قيىلىسىنداعى جاسىل ايماقتار. مۇندا جايلى ورىندىقتار، ترەناجەرلىك كەشەندەر قويىلىپ، ويىن الاڭدارى، گۇلزارلار جاسالۋدا، جاياۋ جۇرگىنشى جولدارى اباتتاندىرىلىپ جاتىر.
الماتى اكىمى «تاستاق» ىقشاماۋدانىنداعى پروكوفيەۆ كوشەسىن جوندەۋ جۇمىسىنىڭ بارىسىمەن تانىستى. مۇندا ويىن جانە سپورت الاڭدارى، دەمالاتىن ورىندارى بار زاماناۋي جاياۋ جۇرگىنشى ايماعى سالىنادى. جوعارىدا اتالعان كوشە قايتا جاڭارعان دۇيسەنوۆ كوشەسىمەن قيلىسادى، مۇندا دا وتكەن جىلى جايلى جاياۋ جۇرگىنشى ايماعى پايدا بولعان ەدى.
– وسىلايشا المالى اۋدانىنىڭ وسى بولىگىندەگى تۇرعىنداردىڭ ءوز "تولەبايى" پايدا بولادى، – دەپ اتاپ ءوتتى قالا اكىمى.
ب. ساعىنتايەۆ جۇمىس ساپارى كەزىندە «جۇمىسپەن قامتۋدىڭ جول كارتاسى» باعدارلاماسى اياسىندا قولعا الىنعان گاگارين بۋلۆارىنىڭ اباي داڭعىلىنان تولە بي كوشەسىنە دەيىنگى اۋماعىنىڭ جانە ماقاتايەۆ اتىنداعى سكۆەردىڭ قالاي جوندەلىپ جاتقانىن كوردى.
– بۇل سكۆەر شىعارماشىل زيالى قاۋىمنىڭ، جاس اقىندار مەن جازۋشىلاردىڭ مەكەنىنە اينالۋى ءتيىس. ءتىپتى مۇنداعى اتموسفەرانىڭ ءوزى شىعارماشىلىققا شابىتتاندىراتىنداي جاعداي جاساۋ مىندەتىن قويدىم، – دەپ جازدى ب. ساعىنتايەۆ.
اعىمداعى جىلى المالى اۋدانىندا «بيۋدجەتكە قاتىسۋ» جوباسى بويىنشا 15 جوبا ىسكە اساتىن بولادى، ول ءۇشىن 240 ملن تەڭگە بولىنگەن. ايتا كەتەرلىگى، سكۆەرلەر مەن جاسىل ايماقتاردى، اۋلالاردى جوندەۋ، قوزعالىسى شەكتەۋلى ازاماتتار ءۇشىن جەر استى وتپەلى جولدارعا كوتەرگىش تەتىكتەردى ورناتۋ بويىنشا ءبىرقاتار جوبالار دا جۇزەگە اسادى.
