جەرسەرىكتەن تۇسىرىلگەن سۋرەتتەردە وڭتۇستىك جۇڭگو تەڭىزىندە قىتايلىق سوعىس كەمەسىنىڭ داۋلى پاراكەل ارالدارى اراسىندا سۋ استى كابەلدەرىن سالعانى كورىنگەن. بۇل تۋرالى بريتانيالىق "The Sun" گازەتى جازدى.

ساراپشىلار بۇل كابەلدەر بەيجىڭنىڭ شەتەلدىك كەمەلەردى تابۋ قابىلەتىن كۇشەيتەتىنىن ايتادى. باسىلىمنىڭ جازۋىنشا، جۇڭگو پاراسەل ارالدارى مەن سپراتلي ارالدارىندا اسكەري زاستاۆالار اشقان. 

سونىمەن قاتار جۇڭگو تۋى بار سوعىس كەمەسىنىڭ 28 مامىردا پاراكەل ارالدارىنا بەت العانىن كورىنگەن. كەمە 5 ماۋسىمدا وڭتۇستىك-باتىسقا قاراي ءجۇزۋدى جالعاستىرىپ، درۋمموند، ياگون ارالدارىنداعى جانە باسقا ءۇش نەگىزگى اسكەري زاستاۆاعا بارعان.

اقش اسكەري-تەڭىز كوللەدجىنىڭ پروفەسسورى دجەيمس كراسكا "بەيجىڭ جۇڭگو زاستاۆالارى اراسىنداعى شيفرلانعان اسكەري بايلانىستاردى كۇشەيتىپ جاتقان بولۋى مۇمكىن" دەيدى.

كلارك مىرزا جۇڭگو اسكەري بازالارى جەر استى تۋننەلدەرىمەن جانە يادرولىق سۋاستى قايىقتارىمەن تولىققانىن مالىمدەدى.

– ۆۋدي ارالى مەن حاينان ارالدارى اراسىندا ورنالاسقان تەڭىز تۇبىندەگى سونار سوعىس ۋاقىتىندا "PLAN" سۋاستى قايىقتارىنا شابۋىل جاساپ، اقش سۇڭگۋىر قايىقتارىن تابۋعا كومەكتەسەدى، – دەيدى پروفەسسور كلارك. 

باسىلىمنىڭ جازۋىنشا، حالىقارالىق زاڭدارعا سايكەس، وڭتۇستىك جۇڭگو تەڭىزىنىڭ ۇلكەن بولىگى ۆەتنامعا تيەسىلى. الايدا بەيجىڭ وعان كەلىسپەيدى. بەيجىڭنىڭ قاراۋى بويىنشا، فيليپپين، مالايزيا جانە تايۆان جاعالاۋلارىنا دەيىنگى بارلىق سۋ جولى قىتايعا تيەسىلى.