كاسىپكەرلەر ءۇشىن سالىقتى جەڭىلدەتۋ ماسەلەلەرى بويىنشا وتكەن بريفينگ قورىتىندىسى بويىنشا الماتى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين مەن الماتى قالاسى بويىنشا مەملەكەتتىك كىرىس دەپارتامەنتى باسشىسىنىڭ ورىنباسارى ورىنكۇل قازييەۆا توتەنشە جاعداي كەزىندە كاسىپكەرلەردى قولداۋدا، سونىمەن بىرگە، سالىق سالاسىندا كارانتينگە دەيىن جانە ودان كەيىنگى مەرزىمدە قولداۋ شارالارى تۋرالى حابارلادى.

توتەنشە جاعداي ەنگىزىلگەنگە دەيىن 940،000 ادام جۇمىسپەن قامتىلعانى، ولاردىڭ اراسىندا 600،000-عا جۋىعى شاعىن جانە ورتا بيزنەس كاسىپورىنداردا ەڭبەكتەنگەنى ايتىلدى. كارانتين كەزىندە جۇمىسپەن قامتىلعاندار سانى 200،000-عا دەيىن تومەندەپ، بۇل جاعداي ءتيىستى قولداۋ شارالارىن قابىلداۋعا اكەلدى. ەركەبۇلان ءورازاليننىڭ ايتۋىنشا، ءقازىر جۇمىسپەن قامتىلعانداردىڭ جالپى سانى 800،000-عا دەيىن قالپىنا كەلتىرىلدى.

– ونەركاسىپ جانە قۇرىلىس سالاسىنداعى كاسىپورىندار تولىقتاي جۇمىس ىستەپ جاتىر، جاقىن ارادان بەرى ءىرى ساۋدا ورىندارى ىسكە قوسىلدى. الماتى اكىمدىگى كاسىپورىندارعا قاتىستى بارلىق جۇمىس ماسەلەلەرىن، سونىمەن بىرگە، كارانتين كەزىندە كاسىپورىنداردىڭ جالداۋ اقىسىن جەڭىلدەتۋ ماسەلەلەرىن بەلسەندى تۇردە قاراستىرۋدا، – دەپ مالىمدەدى ە. ورازالين.

سونىمەن بىرگە، ول بۇگىندە بارلىق قۇرالداردىڭ قيىن جاعدايداعى بارلىق كاسىپكەرلەردىڭ قىزمەتىن قولداۋعا باعىتتالعانىن دا ايتىپ ءوتتى.

مەملەكەتتىك كىرىس دەپارتامەنتى 1 ماۋسىمنان باستاپ سالىقتىق جانە كەدەندىك تەكسەرۋلەر، كامەرالىق باقىلاۋ بويىنشا ەسكەرتۋلەردىڭ ورىندالۋى، سالىق تولەۋشىلەرگە سالىق قارىزىن وتەۋ تۋرالى حابارلامالار جولدامالارىنىڭ، الەۋمەتتىك تولەمدەر بويىنشا قارىزدار (سونىڭ نەگىزىندە ءماجبۇرلى تۇردە جازاعا تارتۋ جانە ودان كەيىنگى امالدار قاراستىرىلادى)، سونىمەن بىرگە، اپپەلياسيالىق كوميسسيانىڭ قىزمەتى مەرزىمدەرىنىڭ جاڭارعانىن جايلى حابارلادى.

– سالىقتىق ەسەپ بەرۋ (جىلدىق دەكلاراسيالار) فورماسىن تاپسىرۋ مەرزىمى 31 ناۋرىزدان 31 مامىرىنا اۋىستىرىلدى، – دەپ ەسكە سالدى و. قازيۆا — بۇل جەڭىلدىكتى شامەمەن 30 پايىزعا جۋىق كاسىپكەر پايدالاندى».

بۇگىندە وندىرىستە 319 سالىقتىق جانە 102 كەدەندىك تەكسەرۋلەر جۇرگىزىلۋدە.

ورىنكۇل قازييەۆا تەكسەرۋ بارىسىندا تەكسەرىلۋشى سۋبەكتتىڭ جۇمىس رەجيمى مىندەتتى تۇردە ەسكەرىلەتىنىن اتاپ ءوتتى. وسىلايشا، ەگەر ۇيىم قىزمەتكەرلەرى كارانتيندە بولسا نەمەسە ۇيىمنىڭ قىزمەتىنە رۇقسات بەرىلمەگەن بولسا، وندا ۇيىم جۇمىسىن تولىعىمەن قايتا باستاعانعا دەيىن تەكسەرىستى توقتاتۋ تۋرالى حابارلاندىرۋ تابىستالادى. بيزنەسكە قولداۋ كورسەتۋ ءۇشىن مەملەكەتتىك كىرىس كوميتەتى دە 2020 جىلدىڭ ەكىنشى جارتى جىلدىعىنا تەكسەرىس جۇرگىزۋ كەستەسىن قۇرۋدان باس تارتتى، ال بۇل شامامەن 135 تەكسەرۋ. تەكسەرۋلەر جوسپاردان تىس تاعايىندالادى.

سونىمەن بىرگە، جەكە كاسىپكەرلەردىڭ جەكە تابىس سالىعىن، ءىرى ساۋدا نىساندارى بويىنشا جەكە كاسىپكەرلەر مەن زاڭدى تۇلعالاردى مۇلىك سالىعىنان، اۋىلشارۋاشىلىعى ونىمدەرىن اعىمداعى جىلدىڭ 31 جەلتوقسانىنا دەيىن سالىق مولشەرلەمەسىن «0» تۇزەتۋ كوەفيسيەنتى ارقىلى العان وندىرۋشىلەرگە اۋىلشارۋاشىلىق ماقساتتاعى جەرلەرگە جەر سالىعىن تولەۋدەن بوساتۋ تۋرالى شەشىم قابىلداندى.

وسىنداي تۇزەتۋ كوەفيسيەنتى الەۋمەتتىك سالىق، مىندەتتى زەينەتاقى جارناسى، مىندەتتى كاسىبي زەينەتاقى جارناسى، الەۋمەتتىك اۋدارىمدار، مىندەتتى الەۋمەتتىك مەديسينالىق ساقتاندىرۋلارعا كىرىستەر مەن اۋدارىمداردى جەكە تاجىريبەسىمەن اينالىسۋشى، تولەم جۇرگىزەتىن قارجى كوزىنەن ۇستالاتىن جەكە تابىس سالىعىنىڭ مولشەرلەمەسىنە دە بەكىتىلدى. بۇل ەرەجە (ءتارتىپ) ميكرو، شاعىن نەمەسە ورتا كاسىپكەرلىكپەن 1 ساۋىردەن 1 قازانىنا دەيىن جەكە تاجىريبەمەن اينالىسۋشى جانە 1 ساۋىردەن 2020 جىلدىڭ 1 شىلدەسىنە دەيىن ءىرى كاسىپكەرلىك سۋبەكتىلەرى ءۇشىن قىزمەت ەتەدى.

1 قاڭتاردان باستاپ، سونىمەن بىرگە، اكىمشىلىك جۇكتەمەنى (سالماق، كۇش) تومەندەتۋ جانە بيزنەس ورتانىڭ تۇراقتىلىعىن قامتاماسىز ەتۋ ماقساتىمەن ميكرو جانە شاعىن بيزنەس سۋبەكتىلەرىن ءۇش جىلعا دەيىن تەكسەرۋ ءموراتورييى كۇشىنە ەندى. سوعان قاراماستان، موراتوريي كەدەندىك تەكسەرۋلەگە، قارسى سالىقتىق تەكسەرۋلەرگە،سالىق ورگاندارىنداعى تىركەۋگە الۋ مىندەتتەرىنە قاتىسى جوق.

مەملەكەتتىك كىرىس دەپارتامەنتى سونىمەن بىرگە، سالىق تولەۋشىلەردىڭ سۇراقتارى بويىنشا تۇسىندىرمەلەر جۇرگىزۋ ءۇشىن مەملەكەتتىك كىرىستەر باسقارماسىندا بايلانىس ورتالىقتارى قۇرىلعانىن ەسكە سالدى.