الماتى قالاسى اكىمىنىڭ ورىنباسارى ەرجان باباقۇماروۆ ۆيدەو-كونفەرەنسيا رەجيمىندە الماتىداعى ينتەرناتتىق ۇيىم باسشىلارىنىڭ قاتىسۋىمەن كامەلەتتىك جاسقا تولماعاندار جانە ولاردىڭ قۇقىعىن قورعاۋ ءىسى بويىنشا قالالىق ۆەدومستۆوارالىق كوميسسيانىڭ وتىرىسىن وتكىزدى.

وتىرىس جۇمىسىنا الماتى قالاسىنىڭ ءماسليحات دەپۋتاتى شاۆكات وماروۆ، الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا، پوليسيا پولكوۆنيگى، جەرگىلىكتى پوليسيا قىزمەتى باسقارماسىنىڭ باسشىسى ماناپ ساتتاروۆ، «قازاقستاننىڭ بالالار ءۇيى تۇلەكتەرىنىڭ اسسوسياسياسى» زتۇ پرەزيدەنتى رافاەل گاسانوۆ جانە باسقالار قاتىستى.

كوميسسيا ارنايى ينتەرناتتىق ۇيىمداردىڭ جۇمىسىن جەتىلدىرۋ، ءبىلىم سالاسىندا كورسەتىلەتىن قىزمەتتەردىڭ ساپاسىن ارتتىرۋ، بالالار ءۇيى تۇلەكتەرىنىڭ جۇمىسقا ورنالاسۋىنا جاردەمدەسۋ، قىلمىستىڭ الدىن الۋ ماسەلەلەرىن قارادى.

قالالىق ءبىلىم باسقارماسى باسشىسىنىڭ ورىنباسارى گۇلنار ايتقۇلوۆانىڭ، قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى اسەل بيسەنبايەۆانىڭ، الماتى قالاسى جپق يۋۆەنالدى پوليسيا باسقارماسىنىڭ باسشىسى، پوليسيا پودپولكوۆنيگى لەيلا الىپبايەۆانىڭ باياندامالارى تىڭدالدى.

الماتىدا 18 مەكتەپ-ينتەرنات بار، ولاردا 3640 بالا تۇرادى. 8 تۇزەتۋ مەكتەپ-ينتەرناتىندا 2542 بالا تاربيلەنۋدە، ولاردىڭ اراسىندا سويلەۋ، ەستۋ كەمىستىگى بار بالالار، سونىمەن بىرگە جەتىم بالالار دا بار. بارلىق مەكەمەلەر شەبەرحانالارمەن، ويىن زالدارىمەن جانە مەديسينالىق پۋنكتتەرمەن جاراقتاندىرىلعان. سوڭعى ءۇش جىلدا ۇيىمداردىڭ تاربيلەنۋشىلەرىنە، جەتىم بالالار مەن اتا-انا قاراۋىنسىز قالعان بالالارعا 259 پاتەر بەرىلگەن.

ءسۋيسيدتىڭ الدىن الۋ ماقساتىندا پسيحيكالىق دەنساۋلىق ورتالىعىنىڭ نەگىزىندە پسيحولوگتاردىڭ ونلاين كەڭەس بەرۋ جۇمىسى ۇيىمداستىرىلدى. وسى كەزگە دەيىن 29 ادامعا كەڭەس بەرىلىپ، سوڭعى 4 ايدا سەنىم تەلەفونىنا قالا تۇرعىندارىنان 1035 قوڭىراۋ كەلىپ ءتۇستى، وتكەن جىلى 1209 قوڭىراۋ تۇسكەن ەدى. قوڭىراۋ شالۋشىلاردىڭ بارىنە بىلىكتى مامانداردىڭ پسيحولوگيالىق كومەگى كورسەتىلدى. سونىمەن بىرگە، ءبىلىم بەرۋ جۇيەسىنىڭ 148 مامانى وقۋ سەمينارلارىنا قاتىستى. الەۋمەتتىك پەداگوگتار، مەديسينالىق قىزمەتكەرلەر جانە باسقا دا ماماندار اراسىنان 4 اۋداندا 206 ادام ۇيرەتۋ كۋرستارىنان ءوتتى.

الماتى قالاسىنىڭ ءبىلىم باسقارماسى جۇيەلى تۇردە ينتەرناتتىق مەكەمەلەر قىزمەتىن انىقتالعان ءتارتىپ بۇزۋشىلىقتاردى كورسەتە وتىرىپ جانە ولاردىڭ جويىلۋىن باقىلاۋعا الا وتىرىپ، مونيتورينگ جۇرگىزەدى. تەكسەرۋ بارىسىندا مەملەكەتتىك ساتىپ الۋلار، ەڭبەك زاڭناماسى، سانيتارلىق جانە ءورت نورمالارىنىڭ بۇزىلۋى سىندى ءتارتىپبۇزۋشىلىقتار انىقتالدى.

ناتيجەسىندە انىقتالعان ءتارتىپبۇزۋشىلىقتاردىڭ ءبارى جويىلدى. ارنايى (تۇزەتۋ) مەكتەپ-ينتەرناتتاردىڭ ءبىرقاتار ديرەكتورلارى مەن ديرەكتور ورىنباسارلارى تارتىپتىك جاۋاپكەرشىلىككە تارتىلدى.

الماتى قالاسى اكىمىنىڭ ورىنباسارى ەرجان باباقۇماروۆ بالالاردىڭ ساپالى ءبىلىم جانە تاربيە الۋى، تاماقتانۋى، مەكەمە قىزمەتكەرلەرى تاراپىنان بالالارعا دۇرىس ەمەس قاتىناس ورناتۋىن بولدىرماۋ، سونىمەن قاتار، 29 جاسقا جەتپەگەن جەتىم بالالاردى باسپانامەن قامتۋ  سىندى ماسەلەلەرگە باسا نازار اۋداردى.

– بالالار – ءبىزدىڭ بولاشاعىمىز. ينتەرناتتىق ۇيىم جەتەكشىلەرى ءبىزدىڭ بالالاردىڭ ءومىرى مەن قاۋىپسىزدىگىنە جەكە باسىمەن جاۋاپتى. تاربيلەنۋشىلەردىڭ زاڭدى قۇقىقتارى مەن مۇددەلەرىن بۇزۋ فاكتىلەرىن جاسىرۋعا مۇلدە جول بەرمەۋ كەرەك، – دەپ اتاپ وتكەن ە. باباقۇماروۆ ءبىرقاتار ناقتى تاپسىرمالار بەردى.

قالالىق ءبىلىم باسقارماسى مەن ءبىلىم جەتەكشىلەرىنە ءتارتىپ بۇزۋشىلىقتاردىڭ الدىن الۋ، ينتەرناتتىق ۇيىم تۇلەكتەرىن جەتەكشىلىك جانە باسقا دا ينستيتۋتتاردى قاتىستىرا وتىرىپ جۇمىسقا ورنالاستىرۋ ماسەلەلەرى بويىنشا جۇمىستى كۇشەيتۋ تاپسىرىلدى. ءبىر اي ىشىندە جۇرگىزىلگەن جۇمىستار جانە الداعى كەزەڭدەگى اتقارىلۋعا ءتيىس مىندەتتەر جونىندە قامقورلىق كەڭەسىن وتكىزۋ تاپسىرىلدى.

الماتى قالاسى بويىنشا ءبىلىم سالاسىن باقىلاۋ دەپارتامەنتى مەن قازاقستاننىڭ بالالار ءۇيى تۇلەكتەرى اسسوسياسياسىنا قالالىق ينتەرناتتىق ۇيىمدار كورسەتەتىن قىزمەتتەر ساپاسىنىڭ مەجەگە سايكەس بولۋى جونىندە مونيتورينگتىك كوميسسيا قۇرۋ تاپسىرىلدى. تەكسەرۋدەن بولەك، بالالار اراسىندا ساۋالناما دا جۇرگىزىلەدى. ساۋالناما جۇرگىزۋ بارىسىندا اكىمشىلىكتىڭ ارالاسۋىنا جول بەرىلمەيدى.