ق ر بعم ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ اتاپ وتكەندەي، بيىل ۇلتتىق ءبىرىڭعاي تەستىلەۋ بەلگىلەنگەن 161 ورىندا وتەدى.

ەلىمىزدىڭ وڭىرلەرىندە پاندەميا جاعدايىندا كارانتيندىك شەكتەۋلەردى ساقتاي وتىرىپ، تەستىلەنۋشىلەردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ ءۇشىن مەديسينالىق-سانيتاريالىق سيپاتتاعى كۇشەيتىلگەن شارالار قابىلداندى: تەستىلەۋ پۋنكتتەرىنە كىرۋ كەمىندە 2 مەتر قاشىقتىقتى قاتاڭ ساقتاي وتىرىپ جۇزەگە اسىرىلاتىن بولادى؛ ءاربىر تەستىلەنۋشى باقىلاۋدىڭ 5 كەزەڭىنەن وتەدى.

انىقتاما:

دەزينفەكسيا كەزەڭدەرى:

• سىرتقى كيىمدى دەزينفەكسيالاۋ ەرىتىندىسىمەن زارارسىزداندىراتىن ارنايى توننەل ارقىلى ءوتۋ؛

• اياق كيىمدى ارنايى كىلەممەن دەزينفەكسيالاۋ ءراسىمى

• قولدى ارنايى سۇيىقتىقپەن وڭدەۋ پروسەدۋراسى؛

• تەرموباقىلاۋ ءراسىمى. جوعارى تەمپەراتۋرا انىقتالعان جاعدايدا تەستىلەنۋشىگە كەزەكشى بريگادا مەن مەديسينا قىزمەتكەرلەرى جەدەل كومەك بەرەدى؛

• رەسپيراتورلىق نەمەسە ادەتتەگى مەديسينالىق ماسكالاردى بەرۋ.

سايكەستەندىرۋ ۇيالى تەلەفون كامەراسىنىڭ بەتتى تانۋ ارقىلى قاشىقتان وتەدى.

د.سماعۇلوۆتىڭ ايتۋىنشا، تەستىلەۋ پۋنكتتەرىنىڭ ءاربىر قاباتىنىڭ دالىزدەرىندە سانيتايزەرلەر ورناتىلادى، ال دالىزدەگى جانە اۋديتوريالارداعى بارلىق ەسىكتەر الدىن الا اشىق جاعدايدا بولادى. بۇدان باسقا، تەستىلەنۋشىلەردى وتىرعىزۋ اۋديتوريالاردى مىندەتتى تۇردە جەلدەتىپ، كەمىندە 2 مەتر قاشىقتىقتى ساقتاي وتىرىپ جۇزەگە اسىرىلاتىن بولادى.

ادامداردىڭ جاپپاي جينالۋىن بولدىرماۋ ءۇشىن، سونداي-اق كارانتيندىك شارالاردى ساقتاۋ ماقساتىندا اتا-انالارعا ۇبت-عا تۇلەكتەردى اكەلۋگە جانە ولاردى تەستىلەۋ وتەتىن عيمارات اۋماعىندا كۇتۋگە تىيىم سالىنادى. ول ءۇشىن جەرگىلىكتى اتقارۋشى ورگانداردىڭ كۇشىمەن بالالاردى ۇبت-عا تاسىمالداۋدى ۇيىمداستىرۋ قامتاماسىز ەتىلەدى، ال تەستىلەۋ پۋنكتتەرىنىڭ اۋماقتارىن قۇقىق قورعاۋ ورگاندارىنىڭ قىزمەتكەرلەرى قورشايتىن بولادى.