الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگ بارىسىندا الماتى قالاسىنىڭ الەۋمەتتىك ءال-اۋقات قورى باسقارماسى باسشىسىنىڭ ورىنباسارى دانيار الكەباي ۇلى كارانتين جاعدايىندا اتاۋلى الەۋمەتتىك كومەك الۋشىلاردىڭ ءتىزىمى قالاي جاسالاتىنىن ايتتى.

ەسكە سالا كەتەيىك، مەملەكەت باسشىسىنىڭ تاپسىرماسىمەن شىندىقتى، ادىلەتتىكتى جانە ەڭبەككە ىنتالاندىرۋدى قامتاماسىز ەتۋ ماقساتىندا 2020 جىلدىڭ باسىنان اتاۋلى الەۋمەتتىك كومەك كورسەتۋدىڭ جاڭا تەتىگى ەنگىزىلدى. ااك كورسەتۋدىڭ جاڭا تەتىگى ااك تاعايىنداۋ ءۇشىن توقسان سايىن قۇجاتتاردى قايتا تاپسىرۋدى قاراستىرادى.

بۇعان دەيىن، اعىمداعى جىلدىڭ ەكىنشى توقسانىندا توتەنشە جاعدايدىڭ ەگىزىلۋىنە بايلانىستى، سونىمەن قاتار كورسەتىلەتىن قىزمەتتى الۋشىمەن تىكەلەي قاتىناستى بولدىرماۋ ماقساتىندا ااك تاعايىنداۋ مەرزىمى اۆتوماتتى (ءوتىنىشسىز) تۇردە ۇزارتىلدى.

«بۇگىنگى كۇنگى كوروناۆيرۋس ىندەتى بويىنشا جاعدايدى ەسكەرە وتىرىپ، سونىمەن قاتار كورسەتىلەتىن قىزمەتتى الۋشىمەن تىكەلەي قاتىناستى بولدىرماۋ ءۇشىن مينيسترلىكپەن ااك الۋشىلارى جۇگىنۋىسىز ا. ج. 2 توقسانى تابىسى نەگىزىندە اقپاراتتىق جۇيەدە اۆتوماتتى تۇردە ءوتىنىش قالىپتاستىرۋدى قاراستىراتىن بۇيرىق جوباسى دايىندالۋدا»، — دەپ ءتۇسىندىرىپ ءوتتى دانيار الكەباي ۇلى.

ول اتالعان شارالاردىڭ ازاماتتاردىڭ قاۋىپسىزدىگى ءۇشىن، سونىمەن بىرگە تىكەلەي بايلانىستى بولدىرماۋ ءۇشىن قاجەت ەكەنىن اتاپ ءوتتى.

«ااك الۋشىلارى بولىپ تابىلاتىن ازاماتتارعا 2020 جىلدىڭ 3 توقسانىنا قۇجاتتاردى قايتا تاپسىرۋ ءۇشىن اۋداندىق الەۋمەتتىك ءال-اۋقات بولىمدەرىنە جۇگىنبەۋلەرىن سۇرايمىز. اتالعان ازاماتتاردىڭ وتىنىشتەرى اقپاراتتىق جۇيە ارقىلى اۆتوماتتى تۇردە قارالادى»، — دەپ اتاپ ءوتتى قالانىڭ الەۋمەتتىك ءال-اۋقات باسقارماسى باسشىسىنىڭ ورىنباسارى.

سونىمەن بىرگە، ااك-گە ءوتىنىش ۇسىنباعان ازاماتتار كارانتين رەجيمى كەزەڭىندە ااك تاعايىنداۋ ءۇشىن «ەلەكتروندىق ۇكىمەت» پورتالىنىڭ (egov.kz) «ەلەكتروندىق ءوتىنىش» پاراقشاسى ارقىلى جەكە باسىن كۋالاندىراتىن قۇجاتتى قوسا ۇسىنا وتىرىپ، ءوتىنىش بەرە الادى.

اعىمداعى جىلدىڭ 1 شىلدەسىندەگى جاعداي بويىنشا ااك 4419 وتباسىعا (22 000 ادام) تولەندى.