ونلاين-بريفينگ بارىسىندا ق ر دەنساۋلىق ساقتاۋ ۆيسە-مينيسترى ليۋدميلا بيۋرابەكوۆا ەلدەگى ەپيدەميولوگيالىق جاعدايعا، سونداي-اق قازاقستان وڭىرلەرىنە دارى-دارمەكتەر مەن جەكە قورعانۋ قۇرالدارىن جەتكىزۋگە قاتىستى تۇسىنىكتەمە بەردى.
– ەلدەگى ەپيدەميولوگيالىق جاعداي شيەلەنىسىپ، ينفەكسيانىڭ تارالۋى ورشۋدە. ءبىز دارى-دارمەك تاپشىلىعىن شەشتىك. سوڭعى ۋاقىتتا كوپتەگەن قالا ءدارىحانالارىندا ىستىققا قارسى دارىلەردىڭ باعاسى قولجەتىمسىز ەكەنىن ايتىپ، نارازىلىعىن بىلدىرۋدە. اتالعان ماسەلە بويىنشا ءبىز جۇمىستار اتقارىپ جاتىرمىز، – دەدى ليۋدميلا بيۋرابەكوۆا.
ول ءوز سوزىندە بۇگىننەن باستاپ ءدارىحانالاردا پاراسەتامول، قىزۋدى تۇسىرەتىن پرەپارات باعالارى قولجەتىمدى نارىققا ءتۇستى دەپ اتاپ ايتتى.
– قازىرگى ۋاقىتتا پاراسەتامولدى ساتىپ الۋ جالعاسۋدا. بۇگىندە ول نۇر-سۇلتان، الماتى جانە قاراعاندى سياقتى ءىرى قالالاردىڭ بازارلارىندا بار. اپتانىڭ سوڭىنا قاراي پرەپارات ەلىمىزدىڭ بارلىق ايماقتارىنا جىبەرىلەدى، – دەدى ۆيسە-مينيستر.
