قوستاناي وبلىسىنىڭ ءمۇعالىمى ايسۇلۋ بايتىقوۆانىڭ بۇرىنعى كۇيەۋى الىبەك بايتىقوۆ وزىنە تاعىلعان ايىپقا جاۋاپ بەردى.
بۇعان دەيىن ايسۇلۋ بايتەنوۆا الەۋمەتتىك جەلىدە بۇرىنعى كۇيەۋىنىڭ بىرنەشە جىلدان بەرى ءجابىر كورسەتىپ، قورقىتىپ كەلە جاتقانىن ايتىپ، كومەك سۇراعان بولاتىن.
كەيىن ءمۇعالىمنىڭ كۇيەۋى جەلىگە ۆيدەوۇندەۋ جاريالاپ، بولعان جايتتى ءتۇسىندىردى.
– مەن 34 جاستامىن. ەكى جوعارى ءبىلىمىم، 15 جىلدان بەرى ىستەپ كەلە جاتقان سۇيىكتى جۇمىسىم بار. جەكە ومىرىمدە دە ءبارى جاقسى. قىزىم ديانانى جاقسى كورەمىن. مەنى وتە جامان ادام رەتىندە جازاعا لايىق ەر ادامداردىڭ قاتارىنا قوسىپ قويعانى اۋىر ءتيدى. ايسۇلۋ بايتەنوۆامەن 2013 جىلى شاڭىراق كوتەردىك. ءبىر-بىرىمىزدى جاقسى كورىپ، ءومىر بويى بىرگە بولۋدى جوسپارلادىق. الايدا ولاي بولماي شىقتى. وعان ەكەۋىمىز دە كىنالىمىز. بىرگە تۇرعان كەزدە دە، اجىراسقاننان كەيىن دە مەن شەكتەن شىققان ەمەسپىن. ءبىز قىزىمىزدىڭ تاربيەسىنە كەلگەندە ەكى ءتۇرلى كوزقاراستا بولدىق. ەگەر وعان قول كوتەرگەن بولسام، ءوزىمدى ەر ادام رەتىندە ەسەپتەمەيتىن ەدىم، – دەدى الىبەك بايتەنوۆ.
ونىڭ ايتۋىنشا، قىزىن اناسىنان ايىرۋ تۋرالى ويى بولماعان، كوشىپ كەتۋىنىڭ سەبەبى باسقا اداممەن كوڭىل قوسۋىندا دەيدى.
– ول قارابالىق اۋىلىنان جۇمىستان شىعىپ قالعانى ءۇشىن كەتىپ قالعان جوق. ول سول جاقتا ءبىر ەر اداممەن كوڭىل قوستى. ارينە، بۇعان ونىڭ تولىق قاقىسى بار. ءبىراق مەنىڭ جانىما قاتتى تيەتىنى جانىمنان قىزىمنىڭ الىستاپ كەتكەنى، – دەيدى ءمۇعالىمنىڭ بۇرىنعى كۇيەۋى.
ىشكى ىستەر مينيسترلىگى قوستاناي وبلىسى پوليسيا دەپارتامەنتى ءىستى باقىلاۋعا العانىن حابارلادى.
پوسموترەت ەتۋ پۋبليكاسيۋ ۆ Instagram@kstnews.kz @tengrinewskz @kostanay__news @kostanay_news @ng.kz_ @nemolchi.kz @alau.tv
پىكىر قالدىرۋ