1 قىركۇيەك كۇنى مەكتەپتەردە ونلاين جيىندار وتەدى. بۇل تۋرالى ءبىلىم جانە عىلىم مينيسترلىگى مالىمدەدى.
"مەكتەپتەردە جاڭا وقۋ جىلىنىڭ باستالۋىنا ارنالعان ونلاين جيىن وتەدى. بالالار مەكتەپكە كەلمەيدى، ونلاين لينەيكاعا قولجەتىمدى قۇرىلعىلار مەن بايلانىس قۇرالدارى ارقىلى قاتىسادى" دەلىنگەن ۆەدومستۆو تاراتقان حابارلامادا.
جاڭا وقۋ جىلى الدىندا دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ مۇعالىمدەردىڭ كوروناۆيرۋسقا تەست تاپسىرمايتىنىن مالىمدەدى.
سونداي-اق، ول مەكتەپ وقۋشىلارى دا عيماراتقا مەديسينالىق بەتپەردە تاعىپ، ارا قاشىقتىقتى ساقتايتىنىن اتاپ ءوتتى.
ايتا كەتەيىك، قازاقستاندا تامىزدىڭ 25-28ء-ى ارالىعىندا 2-11-سىنىپتار قاشىقتان ءبىرىڭعاي ساباقتار وتەدى. ولار وتكەن ماتەريالداردى قايتالايتىن بولادى.
پىكىر قالدىرۋ