22 قازاندا الماتى قالاسى وڭىرلىك كوممۋنيكاسيالار قىزمەتىنىڭ ۇيىمداستىرۋىمەن الاتاۋ اۋدانىندا اۋدان اكىمى ازامات قالدىبەكوۆتىڭ قاتىسۋىمەن باسپا ءسوز تۋرى جانە باسپا ءسوز كونفەرەنسياسى ءوتتى.

مەملەكەت باسشىسى قاسىم-جومارت كەمەل ۇلى توقايەۆ ءوزىنىڭ «جاڭا جاعدايداعى قازاقستان: ءىس-قيمىل كەزەڭى» جولداۋىندا تەڭدەستىرىلگەن اۋماقتىق دامۋ تۋرالى اتاپ ءوتتى. الماتى قالاسىنىڭ اكىمى باقىتجان ساعىنتايەۆتىڭ الماتىنى دامىتۋ ستراتەگياسى اياسىندا «شەتسىز قالا» قاعيداسىنا ەرەكشە كوڭىل بولەتىنى بەلگىلى، ونىڭ ماقساتى — جاتىن اۋدانداردى دامىتۋ، مەگاپوليستىڭ بارلىق اۋداندارىندا تۇرعىلىقتى جەرىنە قاراماستان حالىقتىڭ جوعارى ءومىر ءسۇرۋ ستاندارتتارىن قامتاماسىز ەتۋ.

الاتاۋ اۋدانىندا بۇرىننان تۇرعىندار تاراپىنان بىرنەشە رەت كوتەرىلىپ كەلە جاتقان جوبالار جۇزەگە اسىرىلىپ، ماسەلەلەر شەشىلۋدە.

باسپا ءسوز تۋرى بارىسىندا قاتىسۋشىلار «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا اشىلعان الاتاۋ اۋدانى اكىمى اپپاراتىنىڭ عيماراتىنداعى «اشىق اكىمدىك» فرونت-وفيسىنە باردى. جوبانىڭ باستى ماقساتى — مەملەكەتتىك ورگانداردىڭ ازاماتتار ءۇشىن قولجەتىمدىلىگىن ارتتىرۋ، كەدەرگىسىز ورتا قالىپتاستىرۋ، حالىققا «ءبىر تەرەزە» قاعيداتى بويىنشا قىزمەت كورسەتۋ.

«مۇندا 4 ءبولىم بار-اباتتاندىرۋ، تۇرعىن ۇي-كوممۋنالدىق شارۋاشىلىق، كاسىپكەرلىك جانە الەۋمەتتىك سالا. سونىمەن قاتار، اۋدان اكىمدىگىنىڭ قۇزىرەتىنە كىرمەيتىن ماسەلەلەر دە بار. بۇل جەر قاتىناستارى، ساۋلەت جانە باسقا قالالىق باسقارمالارعا قاتىستى ماسەلەلەر. وسىعان بايلانىستى ءبىز وسى مامانداردىڭ جۇمىسىن ۇيىمداستىرۋدامىز، ولار اپتاسىنا ەكى رەت قالا تۇرعىندارىن قابىلدايدى. اۋداندىق كەڭسە دە وسىندا ورنالاسقان، سۇراقتاردى جيناپ، ءتيىستى باسقارماعا جىبەرەدى»، — دەپ اتاپ ءوتتى اۋدان اكىمى ا. قالدىبەكوۆ.

ودان ءارى باسپا ءسوز تۋرىنا قاتىسۋشىلارعا «الاتاۋ انالارى» قورىنىڭ ۇلگىسىندە حالىقتىڭ الەۋمەتتىك-سەزىمتال توپتارىنا كومەك كورسەتەتىن قوعامدىق قورلاردىڭ قىزمەتى تانىستىرىلدى. قوردا تىگىنشى، ۆيزاجيست، شاشتاراز، كىرپىكتى ۇزارتۋ مامانى بولىپ 12 انا جۇمىس ىستەيدى. قور سونىمەن قاتار ايەلدەر مەن بالالاردى تىگىن ىسىنە، كوسمەتولوگياعا، بيگە، مۋزىكالىق اسپاپتارعا ۇيرەتۋگە مۇمكىندىك بەرەدى. بارلىعى 2500-دەن استام ادام وقىتىلدى.

سونىمەن قاتار، «جۇمىسپەن قامتۋ جول كارتاسى» مەملەكەتتىك باعدارلاماسى اياسىندا جۇزەگە اسىرىلىپ جاتقان اقبۇلاق شاعىن اۋدانىنداعى سكۆەردى اعىمداعى جوندەۋ جوباسى تانىستىرىلدى. ساياباقتا بالالار مەن سپورت الاڭدارى، جەكپە-جەك الاڭدارى بار. ورىندىقتار، ۋرنالار، كوشەنى جارىقتاندىراتىن 17 تىرەك ورناتىلدى. 1280 ش. م توسەم توسەلدى. اۋدان اكىمى اتاپ وتكەندەي، بۇل ساياباقتى قۇرۋ ماسەلەسى الماتى قالاسى اكىمىنىڭ اۋدان تۇرعىندارىمەن كەزدەسۋى كەزىندە كوتەرىلگەن بولاتىن.

«وسى ساياباقتا بالالارعا ارنالعان جاڭا بالالار جانە ويىن الاڭدارى ورناتىلدى. دەمەۋشىلەردىڭ كۇشىمەن سپورتپەن اينالىسۋ ءۇشىن سپورتتىق مانەج سالدىق. بۇگىنگى تاڭدا جاتتىعۋعا سپورتتىڭ 6 ءتۇرى قولجەتىمدى: تاەكۆوندو، كاراتە، بوكس، كۇرەس جانە كۋدو»، — دەپ اتاپ ءوتتى اۋدان اكىمى.

بيىل 17 قىركۇيەكتە الاتاۋ اۋدانىندا «شىڭعا ورلەۋ» باعدارلاماسى اياسىندا «دومبىرا ورتالىعى» الەۋمەتتىك نىسانى اشىلدى. دەمەۋشىلەردىڭ كومەگىمەن ورتالىققا قۇرال-سايماندار ساتىپ الىندى. عيماراتقا جوندەۋ جۇرگىزىلىپ، ىرگەلەس اۋماق اباتتاندىرىلدى. ورتالىقتا دومبىرا ويناۋ داعدىلارىن 100 بالا مەڭگەرەدى.