كەشە Qamshy.kz سايتىندا ارمەنيالىق دەلىنگەن اrmenianreport.سوm باسىلىمىندا جاريالانعان "قازاقستاننىڭ ەكىجۇزدىلىگى: ءبىر وداق، ءبىراق ازەربايجاندار قىمباتتىراق" اتتى ماقالا تۋرالى اقپارات شىققان. بۇگىن ارمەنيانىڭ قازاقستانداعى ەلشىلىگى Qamshy.kz پورتالىنا حابارلاسىپ، ماقالاداعى ويلار ارمەنيانىڭ رەسمي ۇستانىمىنا ەش قاتىسى جوق، اقپارات رەسۋرسى فەيك ەكەنىن مالىمدەپ، اقپاراتتى ءوشىرۋدى سۇرادى.
ەلشىلىكتىڭ Qamshy.kz پورتالىنا جولداعان حاتىندا اrmenianreport.com سايتى "فەيك" دەلىنىپ، سايتتاعى اقپارات بۇرمالانىپ بەرىلگەنى، تاپ-تازا دەزينفورماسيا ەكەنى جازىلعان. ەلشىلىكتىڭ دەرەگىنشە، ماقالا اۆتورى رەتىندە كورسەتىلگەن تيەۆوس ارشاكيان ەسىمدى اناليتيك ومىردە جوق ادام.
ارمەنيانىڭ قازاقستانداعى ەلشىلىگىنىڭ facebook پاراقشاسىندا جاريالانعان مالىمدەمەدە اتالعان سايت ازەربايجاندا جاسالعانى حابارلانعان.
مالىمدەمەدە ازەربايجان قازاقستان اۋماعىندا ارمياندارعا قارسى كوڭىل-كۇي قالىپتاستىرۋ ءۇشىن فەيك-سايتتى قولدانۋ ارقىلى كەزەكتى رەت ارزان پروپاگانداعا بارىپ وتىرعانى، تيەۆوس ارشاكيان ەسىمىمەن بۇعان دەيىن دە ارانداتۋ سارىنىندا كوپتەگەن ماتەريالدار شىققانى جازىلعان.
Qamshy.kz پورتالى ارمەنيانىڭ قازاقستانداعى ەلشىلىگىنىڭ سۇراۋى بويىنشا اrmenianreport.سوm سايتىندا جارىق كورگەن ماقالا تۋرالى اقپاراتتى ءوشىردى.
ەسكەرتە كەتەيىك، داۋلى ماقالادا اۆتور قازاقستاندى ارمەنيامەن ۇجىمدىق كەلىسىم-شارت ۇيىمىنا مۇشەلىك ەتەتىنىنە قاراماستان، تاۋلى كاراباح كونفليكتىندە ازەربايجاندى جاقتاپ وتىر دەپ ايىپتاعان.
سونداي-اق قازاقستاننىڭ ازەربايجانداعى توتەنشە جانە وكىلەتتى ەلشىسى سەرجان ابدىكارىموۆتىڭ ازەربايجانعا ساپارىن "ازەربايجان پرەزيدەنتى يلحام الييەۆتىڭ ارام وينىنا ارالاسۋ" دەپ باعالاپ، "ازەربايجانداردىڭ بەرگەن الكوگولى مەن "التىننان اپتايمىز" دەگەن ۋادەسىنەن كەيىن، ەلشىنىڭ ءتىلى اۋزىنا سىيماي الدىن الا دايىنداپ قويىلعان جۋرناليستەرگە سۇحبات بەرە باستادى" دەپ مالىمدەپ قازاقستان ەلشىسىنىڭ، سول ارقىلى قازاقستان رەسپۋبليكاسىنىڭ ابىروي-بەدەلىنە نۇقسان كەلەتىن داۋلى مالىمدەمەلەر ايتقان.
سونىمەن قاتار ماقالادا قازاقستان ازەربايجان پرەزيدەنتى يلحام الييەۆتىڭ، تۇركيا پرەزيدەنتى رەجەپ ەردوعاننىڭ اياعىن قۇشۋعا ءازىر تۇراتىنىن ايتىلىپ، بۇل ارەكەتتەر قازاقستاننىڭ ارمەنياعا قارسى كوڭىل-كۇيىن بىلدىرەدى دەگەن پىكىر جەتكىزىلگەن.
