شەتەلدىك باسىلىمدار "پۋتين كوروناۆيرۋس جۇقتىرعان بولۋى مۇمكىن" دەپ حابارلادى. وعان سەبەپ رەسەي پرەزيدەنتى ونلاين كونفەرەنسيا كەزىندە بىرنەشە رەت قاتتى جوتەلىپ، ءسوزىن جالعاستىرۋعا قينالعان.

"ءبىر قىزىعى، رەسەي پرەزيدەنتىنىڭ كەڭسەسى ارتىنان جاريالاعان ۆيدەودا ءپۋتيننىڭ جوتەلى ورشىمەگەندەي ەتىپ كورسەتىلىپ مونتاجدالعان" دەپ جازدى "worldabcnews.com" باسىلىمى. رەسەي پرەزيدەنتى ايماقتاعى "وتكىر قارجىلىق پروبلەمالار" تۋرالى ەسكەرتىپ جاتقاندا، كەنەتتەن سويلەي الماي قينالعان. جوتەل باستالعان كەزدە ول قارجى ءمينيسترى انتون سيلۋانوۆقا جانە باسقا دا جوعارى لاۋازىمدى ادامدارعا ءوتىنىش ءبىلدىردى. پۋتين "كەشىرىڭىز" دەپ داۋىستاپ، وڭ قولىن اۋزىنا بىرنەشە رەت اپاردى.

– كەيىنىرەك كرەملدىڭ سايتىندا جاريالانعان پرەزيدەنت سوزدەرىنىڭ نۇسقاسىندا ونىڭ جوتەلگەن ءساتى وڭدەگەن، ونىڭ ىشىندە "كەشىرىڭىز" دەگەنى دە بار، – دەپ حابارلادى worldabcnews.com.

بۇل جاڭالىق رەسەيدە كوروناۆيرۋستان ءبىر كۇندە 456 ادام ءولىمى تىركەلگەنى جاريالاعان كەزدە پايدا بولدى.

تاسس مەملەكەتتىك اقپارات اگەنتتىگى كرەملدەن ءپۋتيننىڭ دەنساۋلىعى تۋرالى سۇراعان جانە ساۋالعا ونىڭ جاعدايى "مۇلدەم قالىپتى" دەپ جاۋاپ بەرىلگەن.

"پرەزيدەنت كەشىرىم سۇرادى جانە كەزدەسۋدى كىدىرتپەي جالعاستىردى" دەپ حابارلادى تاسس.