«دالا قازىناسى» مونەتالار سەرياسىنان «JETI QAZYNA» بيكولورلى اينالىستاعى مونەتالارى ءبىرقاتار وڭىردە اينالىمعا ەندى، دەپ حابارلايدى Qamshy.kz اقپارات اگەنتتىگى 24.kz-كە سىلتەمە جاساپ.
ولار اينالىستاعى مونەتالارمەن قاتار پايدالانىلادى.
ياعني نومينالى 100 تەڭگەلىك «JETI QAZYNA»: «ER JIGIT»، «SULÝ ÁIEL»، «QUMAI TAZY»، «AQYL BILIM»، «BEREN MYLTYQ»، «JÚIRIK AT»، «QYRAN BÚRKIT» 7 مونەتاسى زاڭدى تولەم قۇرالى بولىپ سانالادى جانە تولەمدەردىڭ بارلىق ءتۇرى بويىنشا قابىلدانۋعا مىندەتتى – ولاردى تاۋار ساتىپ الۋعا نەمەسە كورسەتىلگەن قىزمەتتەرگە تولەۋگە بولادى.
– مونەتالاردىڭ ولشەمى وزگەرىسسىز ساقتالعانىن، سوندىقتان تولەم تەرمينالدارى مەن باسقا دا كاسسالىق تەحنيكانى قوسىمشا قايتا تەڭشەۋدى قاجەت ەتپەيتىنىن اتاپ وتكىم كەلەدى، – دەدى ق ر ۇب قولما-قول اقشا اينالىسى دەپارتامەنتىنىڭ ديرەكتورى جومارت قاجىمۇراتوۆ.
ەگەر كاسىپكەرلەر مونەتالاردى قابىلداۋدان باس تارتاتىن بولسا، وندا ق ر اقبك 206-بابىنا سايكەس ولارعا ەسكەرتۋ جاسالادى. ءبىر جىل ىشىندە جاعداي قايتالانسا، 5-25 اەك مولشەرىندە ايىپپۇل كوزدەلگەن.
پىكىر قالدىرۋ