قازاقستان سىرتقى ىستەر مينيسترلىگى "قازاقستان تەرريتورياسى رەسەي تاراپىنان جاسالعان ۇلكەن سىيلىق" دەگەن مالىمدەمە جاساعان رەسەي مەملەكەتتىك دۋماسىنىڭ دەپۋتاتى ۆياچەسلاۆ نيكونوۆقا نارازىلىق نوتا جاريالاندى.
"قازاقستان رەسپۋبليكاسىنىڭ سىرتقى ىستەر مينيسترلىگىنە رەسەي فەدەراسياسىنىڭ ۋاقىتشا سەنىمدى وكىلى الەكساندر كوماروۆ شاقىرىلدى.
كەزدەسۋ بارىسىندا سىرتقى ىستەر ءمينيسترىنىڭ ورىنباسارى مارات سىزدىقوۆ رەسەي فەدەراسياسى مەملەكەتتىك دۋماسىنىڭ ءبىلىم جانە عىلىم جونىندەگى كوميتەتىنىڭ ءتوراعاسى ۆياچەسلاۆ نيكونوۆتىڭ ءبىرىنشى ارناداعى «قازاقستاننىڭ تەرريتورياسى - رەسەي تاراپىنان ۇلكەن سىيلىق» دەگەن سوزىنە قاتىستى تۇسىنىسپەۋشىلىك ءبىلدىردى.
كەيبىر رەسەيلىك ساياساتكەرلەردىڭ قازاقستانعا قاتىستى ارانداتۋشىلىق ارەكەتتەرىنىڭ جيىلەپ كەتۋى مەملەكەتتەرىمىز اراسىنداعى وداقتاستىق قاتىناستارعا ايتارلىقتاي نۇقسان كەلتىرەتىنى اتاپ ءوتىلدى.
ق ر ءسىم رەسەي تاراپىنىڭ مۇنداي مالىمدەمەلەرگە ءتيىستى باعا بەرۋىن كۇتۋدە جانە رەسەي فەدەراسياسىنىڭ مەملەكەت قايراتكەرلەرىنەن مۇنداي مالىمدەمەلەرگە جول بەرمەۋ ءۇشىن شارالار قابىلداۋعا شاقىرادى.
رەسەيلىك ديپلوماتقا ق ر ءسىم ۇستانىمى كورسەتىلگەن نوتا تابىستالدى" دەلىنگەن مينيسترلىگى تاراتقان اقپاراتتىق حابارلامادا.
پىكىر قالدىرۋ