ءماجىلىس پەن ءماسليحاتتار سايلاۋىنىڭ الدىنداعى ۇگىت-ناسيحات جۇمىستارى اياسىندا «Nur Otan» پارتياسىنان ۇمىتكەر مەيرامبەك تولەپبەرگەن سارىسۋ اۋدانىندا بولىپ، جاڭاتاس قالاسىنىڭ تۇرعىندارىمەن كەزدەستى.

اۋدان ورتالىعىنداعى 3 شاعىن اۋدان №38 ءۇي تۇرعىندارىمەن كەزدەسۋ بارىسىندا مەيرامبەك مىلتىقباي ۇلى سايلاۋالدى پارتيا باعدارلاماسىنىڭ نەگىزگى باعىتتارىمەن تانىستىرىپ، ءوز ويىن ورتاعا سالدى. ەڭبەك ارداگەرلەرى مەن ورتا بۋىن وكىلدەرى اشىق اڭگىمەگە بەلسەنە قاتىستى.

ءوز سوزىندە ۇمىتكەر حالىقتىڭ الەۋمەتتىك جاعدايىنىڭ جاقسارىپ، ماسەلەلەردىڭ تياناقتى بولعانىن قالايتىنىن جەتكىزدى. ءوز كەزەگىندە جاڭاتاستىقتار ناقتى ىسكە قولداۋ كورسەتەتىنىن ايتىپ، تاۋارلار باعاسىنىڭ تۇراقتى بولۋىنا الداعى ۋاقىتتا دا نازاردا ۇستاۋدى ۇسىندى.

جاڭاتاستا 91 كوپقاباتتى ءۇي بولسا، سونىڭ 81-دە جارىقتاندىرۋ جۇمىسى جۇرگىزىلىپ، 16 بالالار ويىن الاڭى ىسكە قوسىلدى. قالادا بيىل «جۇمىسپەن قامتۋدىڭ جول كارتاسى» بويىنشا 337 ملن. تەڭگە قارجىعا الەۋمەتتىك نىساندار جوندەلدى. مىنە،وسى مەملەكەتتىك باعدارلامالاردىڭ جۇزەگە اسۋى ەلدىك تىرلىكتىڭ ايقىن كورىنىسى. جاڭاتاستىقتار مۇى جاقسى تۇسىنەدى، كەنشىلەر قالاسىنىڭ كەلەشەگىنە زور سەنىممەن قارايدى. كوپ پاتەرلى ءبىر ءۇيدىڭ تۇرعىندارى اشىق اڭگىمە ۇستىندەگى وي-پىكىرلەرىنىڭ ورتاق مۇددەدەن تابىلعانىن قوستاپ، تىلەكتەستىك تانىتتى.

كەلەسى كەزەكتە م. تولەپبەرگەن ەل-جۇرتقا قادىر-قاسيەتىمەن سىيلى، كوپشىلىك قۇرمەتىنە بولەنگەن ساعيرا ۋاشباي قىزىنىڭ شاڭىراعىندا بولدى. 90 جاسقا قادام باسقان انامىز ءوز وتباسىمەن قازاقستان ءوز تاۋەلسىزدىگىن جاريالاپ، قازاقستاننىڭ تۇڭعىش پرەزيدەنتى نۇرسۇلتان نازاربايەۆ ءارتۇرلى زامان تولقىنىندا تاعدىر تالكەگىمەن شارتاراپقا شاشىراپ كەتكەن قازاق باۋىرلارىمىزدى اتاجۇرتقا ورالۋىنا تاريحي قامقورلىق جاساعان ۋاقىتتا موڭعوليادان كوشىپ كەلگەن ەكەن. سودان بەرى بۇل كىسىلەر ەڭبەك ەتىپ، ەل قاتارلى تۇرمىسىن تىكتەگەن.
اسىل انا ەل جاڭالىقتارىنان حاباردار.الداعى سايلاۋدا ءوز تاڭداۋىن جاساپ، نۇروتاندىقتارعا قولداۋ كورسەتەتىنىن ايتىپ وتىر. اق تىلەۋى قازاقستاننىڭ وركەندەۋى مەن بەيبىت ومىرىنە بەكەمدەلگەن. وتانىمىزدىڭ نۇرلى بولاشاعىنا ارناپ اق باتاسىن بەرگەن اجەمىز بىزبەن ەرەكشە مەيىرىممەن، ىستىق پەيىلمەن اڭگىمەلەستى.

«Nur Otan» پارتياسى جامبىل وبلىسىنىڭ سايلاۋ قورىنىڭ قاراجاتىنان تولەندى