"ۆرەميا" گازەتىنىڭ ءجۋرناليسى ميحايل كوزاچكوۆ ەلوردا اكىمى التاي كولگىنوۆ كومانداسىنداعى ادامدارى ارقىلى جەكە پيارمەن اينالىسىپ وتىرعانى تۋرالى حابارلادى. پيار سحەماسىنىڭ ءبىر ۇشى كولگىنوۆتىڭ بۇرىنعى باسپا ءسوز حاتشىسى، كەڭەسشىسى، Elorda Aqparat ج ش س باسشىسى جارقىن تۇسىپبەك ۇلى ءجۇمادىلوۆقا قاتىسى بارى انىقتالىپ، ول ءوز ەركىمەن قىزمەتىنەن كەتتى.
جۋرناليست ورالدان كەلگەن جىگىتتەر "ساراپشىلار كومەگىمەن كولگىنوۆتى ۇكىمەتكە "تىقپالاعىسى" كەلىپ وتىر دەپ سانايدى.
"كەشە ۆاتساپتا ۇكىمەتتەگى ىقتيمال ءاۋىس-تۇيىس تۋرالى حابارلاما ءجۇردى. "ينتەرنەت يميدج" دەپ اتالاتىن الدەبىر قور پارلامەنت سايلاۋىنان كەيىن كىم، قانداي لاۋازىمعا باراتىنى تۋرالى بولجام جاريالادى. قور التاي سەيدىرۇلىن ۆيسە-پرەمەر پوزيسياسىنا جايعاستىرىپ قويىپتى. اقپاراتتى تەكسەرىپ كورمەك بولىپ ەدىم، الدەكىم قوردىڭ سايتىن جاۋىپ تاستاعان. قور ارتىندا كىم تۇرعانىن قازبالاساق، "ينتەرنەت يميدج" التىن زاينۋللينا دەگەن ورالدان استاناعا (قانداي كەزدەيسوقتىق) قونىس اۋدارعان ادامعا تىركەلگەنىن كورەمىز. فەيسبۋكت پروفيلىندەگى اۆاتاركادا كۇيەۋىمەن تۇسكەن سۋرەتى تۇر (ايتپاقشى، پروفيل جاسىرىلىپ ۇلگەرگەن). ەسەسىنە ۆك اككاۋنتى اشىق. ول جەردە بالالارىمەن، قۇربى جانە كۇيەۋىمەن تۇسكەن سۋرەتتەر كوپ. ەڭ قىزىعى وسى جەردە باستالادى. ونىڭ كۇيەۋى كىم دەپ ويلايسىز؟ كۇيەۋى تاعى ءبىر ورالدىق – جارقىن ءجۇمادىلوۆ. وبلىس اكىمىنىڭ باسپا ءسوز حاتشىسى جانە كەڭەسشىسى بولعان. بۇگىندە ءجۇمادىلوۆ استانالىق اكىمشىلىككە قاراستى Elorda Aqparat جشس-نى باسقارادى. قالاداعى بارلىق ب ا ق ءىشىنارا نەمەسە تولىقتاي وسى فيرما ارقىلى قارجىلاندىرىلادى. كومپانيا مەملەكەتتىك تاپسىرىستىڭ ۇلكەن بولىگىن الادى. ىشكى ساياسات باسقارماسىنىڭ وزىمەن عانا 290 ميلليون تەڭگەگە جۋىق سوماعا شارت جاساسقان. ءجۇمادىلوۆتىڭ ءجۇرىس-تۇرىسىنا قاراعاندا، ول كولگىنوۆتىڭ جاقىن ادامى.
اكىمدىك قارجىلاندىراتىن كەڭسە بار. ونى اكىم ادامى باسقارادى. ول ادامنىڭ ايەلى اكىمدى تۇسىنىكسىز رەيتينگتە ءبىرىنشى ورىنعا قويىپ، جەم جەيتىن پابليكتەرگە ورنالاستىرۋمەن شۇعىلداناتىن قورعا باسشىلىق ەتەدى. ەندى اكىم ۆيسە-پرەمەر بولادى دەپ ساۋەگەيلىكپەن اينالىسىپ وتىر. ورالدىقتارعا سالساڭ، كولگىنوۆتى پرەزيدەنتتىككە دەيىن جەتكىزەتىن ويلارى بار. بۇنىڭ بارلىعى قىمباتتى سالىق تولەۋشىلەر ەسەبىنەن جۇزەگە اسادى. بۇل ناعىز اپات" دەپ جازدى جۋرناليست تەلەگرام كانالىندا ايتقاندارىن نەگىزدەيتىن دالەلدەردى كەلدىرىپ.
"ينتەرنەت يميدج" قورىنىڭ باسشىسى التىن زاينۋللينانىڭ كۇيەۋى جارقىن ءجۇمادىلوۆ قور قارجىلىق وپەراسيالارعا قاتىسپاعانىن، ءوزىنىڭ دە بولجاممەن بايلانىسى جوعىن ايتا كەلىپ، قىزمەتىنەن ءوز ەركىمەن كەتىپ جاتقانىن حابارلادى.
پىكىر قالدىرۋ