دەنساۋلىق ساقتاۋ مينيسترلىگى بۇعان دەيىن جاسالعان كەلىسىم نەگىزىندە قاراعاندى فارماسيەۆتيكالىق كەشەنى ەلگە "سپۋتنيك V" ۆاكسيناسىنىڭ العاشقى پارتياسىن جەتكىزگەنىن حابارلادى.

1 اقپاننان قازاقستاندا "سپۋتنيك V" ەكپەسىمەن ەركىتى تۇردە ۆاكسيناسيالاۋ ناۋقانى باستالادى.

جالپى، اقپان ايىندا قاراعاندى فارماسيەۆتيكالىق كەشەنى ۆاكسينانىڭ 112 مىڭ دوزاسىن، ناۋرىزدا – 150 مىڭ، ساۋىردەن ماۋسىمعا دەيىن – اي سايىن 600 مىڭ دوزانى جەتكىزبەك.

سونداي-اق، ءساۋىر ايىنان باستاپ 75 مىڭ دوزا كولەمىندە QazCovid-in وتاندىق ۆاكسيناسى سالىنادى دەپ جوسپارلانۋدا، اي سايىن ونىڭ كولەمى 500 مىڭ دوزاعا كوبەيەدى.

"ءبىرىنشى كەزەكتە حالىقتىڭ جەكەلەگەن توپتارى – مەديسينا قىزمەتكەرلەرى، پوليسەيلەر، اسكەري قىزمەتكەرلەر جانە ت.ب. ۆاكسيناسيالانادى. ۆاكسيناسيالاۋعا پروفيلاكتيكالىق ەگۋگە قارسى كورسەتكىشتەرى جوق ادامدار جىبەرىلەدى. ۆاكسيناسيا الدىندا دارىگەر پاسيەنتتى مىندەتتى تۇردە تەكسەرەدى. ەل بويىنشا ەگۋ پۋنكتتەرىنىڭ دايىندىعى تەكسەرىلدى، پروفيلاكتيكالىق ەگۋ جۇرگىزۋ ماسەلەلەرى بويىنشا ستاندارتتى وپەراسيالىق راسىمدەر بەكىتىلدى، 2 مىڭنان استام مەديسينا قىزمەتكەرى وقىتىلدى" دەلىنگەن مينيسترلىك تاراتقان اقپاراتتىق حابارلامادا.