اتتەستاتتاۋعا قۇجاتتاردى تاپسىرۋ پروسەسىن ەلەكتروندى فورماتقا كوشىرۋ كەرەك. بۇل تۋرالى بۇگىن ءبىلىم جانە عىلىم ءمينيسترى اسحات ايماعامبەتوۆ اپپارات جينالىسىندا ايتتى.
– اتتەستاتتاۋ – پەداگوگتاردىڭ كوپ كوتەرەتىن ماسەلەسىنىڭ ءبىرى. كۇنى كەشە جينالىستا اتتەستاتتاۋعا قۇجاتتاردى تاپسىرۋ پروسەسىن ەلەكتروندى فورماتقا تولىعىمەن كوشىرۋىمىز كەرەك ەكەنىن تالقىلادىق. جالپى مۇعالىمدەر اتتەستاتتاۋعا قاتىسۋ ءۇشىن وزدەرىنىڭ ۇلتتىق ءبىلىم بەرۋ دەرەكتەر قورىنداعى (نوبد / ۇببدق) پورتفوليوسىنىڭ بەتىنە الەۋمەتتىك جەلىدەگىدەي بارلىق اقپاراتتى جيناۋعا ءتيىس. ولار ەشتەڭەنى تاپسىرماۋى كەرەك. ءبىز ءار ءمۇعالىمنىڭ ءوزىنىڭ پورتفوليوسىن اۆتوماتتى تۇردە الىپ، ءتيىستى اتتەستاتتاۋدان وتكىزەتىندەي جاعداي جاساۋىمىز كەرەك. بۇل ماسەلەنىڭ ءبارىن بيىل ءبىتىرۋىمىز كەرەك، – دەدى مينيستر.
پىكىر قالدىرۋ