PROTENGE تەلەگرام-كانالى تانىمدىق باعىتتاعى "ورەل ي رەشكا" تەلەشوۋىنا قازاقستان ءتۋريزمى تۋرالى حابار تۇسىرگەنى ءۇشىن 893 ميلليون تەڭگە تولەنگەنىن حابارلادى.
تەلەگرام-كانالدا ۋكراينالىق باعدارلاما قازاقستانعا Kazakh Tourism ميسسياسى بويىنشا اقشاعا كەلگەنىن جازادى.
"تۋريزم كوميتەتىنىڭ سايتىندا "الماتى جانە ماڭعىستاۋ وبلىستارىندا "ورەل ي رەشكا. چۋدەسا سۆەتا" اتتى ەكى شىعارىلىم ۇيىمداستىرىلعانى انىق جازىلعان. 2020 جىلعى شىعىن بويىنشا ەكجەي-تەگجەيلى ەسەپ جوق، ەسەسىنە جالپى (جوبانى) ىلگەرىلەتۋ مەن سيفرلاندىرۋ باعاسى 893 ملن تەڭگە نەمەسە 2 ميلليون دوللار ەكەنىن كورۋگە بولادى" دەلىنگەن تەلەگرام-كانالداعى جازبادا.
2020 جىلعى 8 جەلتوقساندا جانە 2021 جىلعى 2 قاڭتاردا باعدارلامانىڭ "يۋجنىي كازاحستان. ءورول ي رەشكا. چۋدەسا سۆەتا" جانە "زاپادنىي كازاحستان. ءورول ي رەشكا. چۋدەسا سۆەتا" تۇسىرىلىمدەرى شىققان.
"Kazakh Tourism" اكسيونەرلىك قوعامىنىڭ باسپا ءسوز حاتشىسى ەرنۇر كەنجەبەكوۆ اقپاراتتى تەرىستەپ، ءوز تاراپتارىنان تەك اكىمشىلىك، ۇيىمداستىرۋشىلىق كومەك كورسەتىلگەنىن عانا اتاپ ءوتتى.
پىكىر قالدىرۋ