ءبىرىڭعاي جيناقتاۋشى زەينەتاقى قورىنا سالىمشىلارىنىڭ 50 مىڭىنا جاقىن كۇندەرى قارجى اۋدارىلادى. بۇل تۋرالى "وتباسى بانك" اق ءتوراعاسى ءلاززات يبراگيموۆا ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا حابارلادى.

– بجزق پورتالى مەن ءبىزدىڭ بانكتىڭ پورتالىنا 80 مىڭنان اسا ءوتىنىش ءتۇستى. ونىڭ ىشىندە 50 519 ءوتىنىش يەسى ءقازىر جەكە كابينەتىنە كىرسە، بجزق ءوتىنىشىن قاراۋعا قابىلداعانى تۋرالى جاقسى جاڭالىقتى كورە الادى. قاراۋ مەرزىمى 3 كۇننەن 5 كۇنگە دەيىنگى ارالىقتا بولادى. 50 مىڭ سالىمشى ءىس جۇزىندە ءبىرىنشى كەزەڭنەن ءوتتى. ولاردىڭ ءوتىنىشى ارنايى شوتقا اقشا اۋدارۋ ساتىسىندا تۇر. ونىڭ 8 مىڭى كەشە ساعات 16:00-گە دەيىن وزدەرىنىڭ ارنايى شوتتارىنداعى اقشانى كوردى. بۇل ءموبيلدى قوسىمشادا كورىنىپ تۇر، – دەدى يبراگيموۆا.

ەسكە سالساق، 23 قاڭتاردا قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى.