اشىق نورماتيۆتىك قۇقىقتىق اكتىلەر ينتەرنەت-پورتالىندا "مينيسترلىكتەر مەن وزگە دە ورتالىق اتقارۋشى ورگانداردىڭ ولاردىڭ اۋماقتىق ورگاندارىنداعى جانە ولارعا ۆەدومستۆولىق باعىنىستاعى مەملەكەتتىك مەكەمەلەردەگى ادام سانىن ەسكەرە وتىرىپ، شتات سانىنىڭ ليميتتەرىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2008 جىلعى 15 ساۋىردەگى № 339 قاۋلىسىنا وزگەرىستەر ەنگىزۋ تۋرالى جوبا جاريالادى.

جوباعا ساي، 2021 جىلعى 1 مامىردان باستاپ ىشكى ىستەر مينيسترلىگىنىڭ 2924 شتاتتىق ورنىن (مامانداندىرىلعان قۇزەت بولىمشەلەرى) قىسقارتۋ كوزدەلگەن.

ءليميتتىڭ قىسقارتىلۋى مەملەكەت تاراپىنان كۇزەتىلەتىن جەكەلەگەن نىسانداردى جەكە سەكتورعا بەرۋمەن بايلانىستى. ولاردىڭ قاتارىنا جوعارعى سوت، باس پروكۋراتۋرا (اۋداندىق پروكۋراتۋرا، سولارمەن تەڭەستىرىلگەن سوتتار جانە قالالىق پروكۋراتۋرا) سەكىلدى مەملەكەتتىك ورگاندارعا قاراستى نىساندار بار.

بۇگىندە ءىىم-نىڭ شتات سانى 126 563 ادامدى قۇرايدى. قىسقارتۋدان سوڭ 123 639 ادامعا دەيىن ازايماق.

جوبانى تالقىلاۋ 22 اقپانعا دەيىن جالعاسادى.