بۇگىندە امەريكادا تۇرىپ جاتقان جازۋشى ليرا قونىستىڭ ينستاگرامىنداعى مىنا ءبىر جازباسىندا ءومىر شىندىعى بارداي. جازبانى قاز قالپىندا كوپشىلىك نازارىنا ۇسىنۋدى ءجون كوردىك.

كۇي̆ەۋدەن “سۋپەرمەن” جاساۋدى قويۋ كەرەك. وعان جۇمىس ىستەۋ، وتباسىن اسىراۋ، قالانىڭ ىشىنەن ءبىر ءۇي̆، سىرتىنان جەر اپ، وسى كوكتەمنەن قالماي̆ فۋندامەنت باستاۋ، ۇلگىلى اكە بولۋ… ءاي̆تەۋىر بىتپەي̆ءتىن قامشىلاۋ، تاۋسىلماي̆تىن مىندەت ارتامىز. ءتىپتى، كەي̆بىرەۋى جەي̆دەسىنىڭ ءتۇسىن دە تاڭداي̆ الماي̆دى. (بىلەم، ءاي̆ەلدەر بۇي̆رىقتى بەرىپ، كلۋبنيكا جەەەپ جاتقان جوق، ءوزى قولىمەن جاساعان پروبلەماسىنىڭ ىشىندە ەتەگى جەلبىرەپ، وكپەسى ءوشىپ ول دا ءجۇر.) كوندىككەنى بىرگە ءومىر سۇرەدى، شىداماعانى اجىراسىپ (شىن مانىندە قاشىپ) قۇتىلادى.

ءۇي̆ىڭىزدەگى ەر كىسى – سىزگە كۇي̆ەۋ، بالالارعا اكە شىعار، ءبىراق، ول ءبىرىنشى كەزەكتە ادام. ادام ءوزى شەشىم قابىلداي̆تىن تۇلعا دەسەك، ول نەگە ءسىزدىڭ تاڭداۋ، شەشىممەن ءجۇرىپ-تۇرۋى كەرەك؟ نەگە ءاي̆ەلىمەن بىردەي̆ وي̆لاۋى كەرەك؟ ورتاشا ەسەپپەن كەمى جيىرما بەس جىل ءوز ءومىرىن ءوزى باسقارعان ادامدى وزگەرتەمىن دەۋ دۇرىس پا؟

اي̆گۇلدەن قالماي̆ توشكى اشىپ “بىردەمە ىستەۋ”، ساۋلەدەن قالماي̆ استى بيىك ماشينا الۋ دەگەن يدەيالار توشنا ءاي̆ەلدىكى. ەركەكتەردە باسەكە جوق. جولداسىممەن 17 جىل بىرگەمىز، وسى جىلدار ىشىندە ودان “ۇلەكە مەن ينديرا استانادان كەرەمەت ءۇي̆ الىپتى، ءبىز دە الساق”، “عالىمجان باۋىرىم مەن اي̆كا تۇركياعا ساياحاتتاپتى، ءبىز دۋباي̆عا باراي̆ىق” دەگەن اڭگىمەنى ەستىسەم قۇلاعىم كەرەڭ بولسىن!

ەركەككە تالاپ جۇكتەي̆ءتىنىمىز سونشالىق، قىزدار/ءاي̆ەلدەر تانىماي̆تىن جىگىتكە دە مىندەت قويادى. ارىپتەس قىز ينتەرنەتپەن تانىسقان بەي̆تانىسپەن كەزدەسۋگە كەتتى. كافەدە تەك سۋسىن ىشكەن. ال، قوشتاستاردا جىگىت ءوزى ىشكەن سۋسىنعا عانا تولەگەن. ال، ءبىزدىڭ قىز ىشكە كىرە، جىگىتتىڭ “ساراڭدىعىن” اي̆تتى. ول ساعان تولەۋگە مىندەتتى مە؟ سەن اپكەسى نەمەسە قىزى ما ەڭ؟ كەزدەسۋگە شاقىردى، ءبىراق، سەنى ەشكىم كۇشتەمەدى، قىزىعۋشىلىقپەن ءوزىڭ باردىڭ. دەمەك، ىشكەن سۋىڭا ءوزىڭ تولە! "پريۆەت/پوكا" دەسكەن قىزدىڭ بارىنە تولەي̆ بەرسە قالتاسىندا نە قالادى؟ كەزدەسۋگە قىز شاش، ماكياجعا شىعىندالار، سوندا دا جىگىت تولەۋگە مىندەتتى ەمەس. قىزداردىڭ ءبىرىنشى كەزدەسۋدەن-اق “كۇي̆ەۋ مەن ءاي̆ەل اراسىنداعى تەپە-تەڭدىكتى” قابىلداماي̆تىنىن باي̆قاپ وتىرمىز. “ءاي̆ەلدەر-السىز، ەركەكتەر-رىسار” دەگەن بەس عاسىر بۇرىنعى تۇسىنىك ءالى ءتىرى مە؟

كۇي̆ەۋىنىڭ ءىزىن اڭديتىن ءاي̆ەلدەر بار. بۇل ماحابباتتىڭ الەگى ەمەس، كۇي̆ەۋىم تاستاپ كەتسە قالاي̆ جان باعام، قۇربىلارىمنىڭ الدىندا ماسقارا بولماي̆ىن دەگەن قورقىنىشتىڭ ستراحوۆكاسى عانا.