2020 جىلعى IV توقسان قورىتىندىسى بويىنشا قازاقستاندىقتاردىڭ ورتاشا جالاقىسى 14،3 پايىزعا ارتىپ، 223،1 مىڭ تەڭگەنى قۇراعان. ينفلياسيانى ەسەپكە العاندا شىنايى ءوسىم 6،5 پايىزعا وسكەن.
ورتاشا جالاقى بويىنشا ايماقتار اراسىندا 377،4 مىڭ تەڭگەمەن اتىراۋ كوش باستاپ تۇر. ۇزدىك ۇشتىككە ەلوردا (349،6 مىڭ تەڭگە) مەن ماڭعىستاۋ وبلىسى (337،7 مىڭ تەڭگە) ەنگەن. ورتاشا جالاقى تومەن ايماقتار قاتارىندا تۇركىستان وبلىسى (166،7 مىڭ تەڭگە)، جامبىل وبلىسى (166،7 مىڭ تەڭگە)، سولتۇستىك قازاقستان وبلىسى (166،7 مىڭ تەڭگە) بار.
ءتۇرلى سالادا ىستەيتىن قىزمەتكەرلەر اراسىندا دا ايىرماشىلىق بايقالادى. ماسەلەن، ورتاشا جالاقىنىڭ ماكسيمالدى شەگى (472،3 مىڭ تەڭگە) تاۋكەن ونەركاسىبى مەن قارجى جانە ساقتاندىرۋ قىزمەتى سالالارىندا (422،6 مىڭ تەڭگە). ال ورتاشا جالاقىنىڭ تومەنگى مولشەرى سۋ (145،7 مىڭ تەڭگە) جانە اۋىلشارۋاشىلىعى (147،7 مىڭ تەڭگە) سالالارىندا.
ورتاشا جالاقى ءبىلىم بەرۋ سالاسىندا 176،5 مىڭ تەڭگە، دەنساۋلىق ساقتاۋدا – 197،4 مىڭ تەڭگە.
وسىلايشا، قازاقستاندا مۇنايشىلار مەن قارجىگەرلەر مۇعالىمدەر مەن دارىگەرلەردەن ەكى ەسە كوپ الادى.
